Եւորպական Խորհրդարանը կոչ կ՚ուղղէ Թուրքիոյ ճանչնալ ցեղասպանութիւնը

Չո­րեք­շաբթի 15 Ապ­րի­լին, ցե­ղաս­պա­նու­թեան հա­րիւր ամեակին տա­սը օր մնա­ցած, Եւ­րո­պական Խորհրդա­րանը ըն­դունեց բա­նաձեւ մը, ըստ որուն կը հաս­տա­տէ իր 1987-ի ցե­ղաս­պա­նու­թիւնը ճանչնա­լու որո­շու­մը, եւ կոչ կ՚ուղղէ Թուրքիոյ շա­հագոր­ծել հա­րիւր ամեակի առի­թը, ճանչնա­լու հա­մար ցե­ղաս­պա­նու­թիւնը, եւ այդպի­սով ճամ­բայ բա­նալու Հա­յաս­տա­նի հետ յա­րաբե­րու­թիւննե­րու բնա­կանո­նաց­ման։

Խորհրդա­րանը իր բա­նաձե­ւին մէջ տեղ կու տայ նաեւ 12 Ապ­րի­լի Փրան­կիսկոս Պա­պի ցե­ղաս­պա­նու­թեան մա­սին խօս­քին, առա­ջար­կե­լով հիմք ըն­դունիլ Պա­պի «խա­ղաղու­թեան եւ հա­մերաշ­խութեան ոգիով» մօ­տենալ խնդրին կո­չը։ Խորհրդա­րանը նաեւ կ՚առա­ջար­կէ «օգ­տուիլ նմա­նօրի­նակ Եւ­րո­պական պա­րագա­ներէ, յա­րաբե­րու­թիւններ հաս­տա­տելու հա­մար եր­կու եր­կիրնե­րու մի­ջեւ, առանց նա­խապայ­մաննե­րու»։

Բա­նաձե­ւին 351 դեր եւ 269 դէմ քուէար­կած Եւ­րո­պացի երես­փո­խան­նե­րը կը ող­ջունեն Վար­չա­պետ Էր­տո­ղանի ան­ցեալ տա­րուան ցա­ւակ­ցա­գիրը եւ Օս­մա­նեան հա­յերու ջար­դե­րուն ճա­նաչու­մը, եւ կը յոր­դո­րէն թրքա­կան պե­տու­թեան բա­նալու իր ար­խիւնե­րը եւ ջար­դե­րը որա­կել որ­պէս ցե­ղաս­պա­նու­թիւն։

Բա­նաձե­ւին մէջ աչ­քա­ռու է կո­չը Թուրքիոյ, որ «բա­րեխղճօ­րէն» աշ­խա­տի պատ­րաստե­լու հա­մար ցու­ցա­կագ­րում մը նա­խորդ հա­րիւր տա­րինե­րու ըն­թացքին քան­դուած հայ­կա­կան մշա­կու­թա­յին ժա­ռան­գութեան։

Իսկ Թրքա­կան պաշ­տօ­նական պա­տաս­խա­նը կու գայ Վար­չա­պետ Էր­տո­ղանի կող­մէ։ Ղա­զախստան մեկ­նե­լու ճամ­բուն վրայ, օդա­կայա­նի մէջ լրագ­րողնե­րուն հետ հան­դի­պում մը ու­նե­ցած Էր­տո­ղան, կը յայ­տա­րարէ թէ «ինչ որո­շում ալ կա­յաց­նէ» Եւ­րո­պական Խորհրդա­րանը, այդ որո­շու­մը մէկ ական­ջէ պի­տի մտնէ, եւ միւ­սէն դուրս պի­տի գայ։ Խել­քէ միտ­քէ դուրս բան է, որ Թուրքիոյ վրայ ցե­ղաս­պա­նու­թեան նման բիծ մը ըլ­լայ»։

Եւ­րո­պական Խորհրդա­րանը «Հա­րիւր տա­րի առաջ Օս­մա­նեան Կայսրու­թեան տա­րած­քին իրենց կեան­քը կորսնցու­ցած մէկ ու կէս մի­լիոն հա­յերուն յի­շատա­կը կը յար­գէ», եւ կոչ կ՚ուղղէ Եւ­րո­պական եր­կիրնե­րու խորհրդա­րան­նե­րուն նման բա­նաձե­ւեր ըն­դունիլ, եւ օր մը հաս­տա­տել «Բո­լոր ցե­ղաս­պա­նու­թիւննե­րու յի­շատա­կու­մի մի­ջազ­գա­յին օր, այդպի­սով ան­գամ մը եւս շեշ­տե­լու հա­մար բո­լոր ազ­գե­րուն եւ ժո­ղովուրդնե­րուն խա­ղաղ եւ պա­տուա­ւոր ապ­րե­լու իրա­ւունքը»։