Այսօր առավոտյան պայթյուն է որոտացել Դիարբեքիրի Բաղլար գավառում։ Պայթյունի հետևանքով մեկ մարդ զոհվել է, 30-ը՝ վիրավորվել։

Երեկ գիշերվա ժամերին իր տանից ձերբակալված Ժողովուրդների ժողովրդավարական կուսակցության համանախագահ Սելահաթթին Դեմիրթաշը Դիարբեքիրի դատարանում ցուցմունք է տվել։

Human Rights Watch (HRW) միջազգային իրավապաշտպան կազմակերպությունը, անդրադառնալով Թուրքիայում վերջին երկու օրերին տեղի ունեցածներին, նշել է, որ դրանք ցույց են տալիս, թե երկրում ճնշուներն ինչքան են ուժգնացել։

«Ջուրմհուրիյեթ» օրաթերթի 13 ներկայացուցչի ձերբակալությունից հետո թերթի շենքի դիմաց բողոքի ցույց է սկսել։ Շենքի դիմաց հավաքված Ժողովրդա-հանրապետական կուսակցության ներկայացուցիչները հայտարարությամբ են հանդես եկել։ Բողոքի ցույցին ներկա գտնվող Ժաղավուրդների ժողովրդավարական կուսակցության ներկայացուցիչներն իրենց հայտարարության մեջ հիշեցրեցրել են, որ «լռելու ժամանակը չէ»։

Դատարանը Դիարբեքիրի քաղաքապետ Գյուլթան Քաշընաքի և Դիարբեքիրի համաքաղաքապետ Ֆըրաթ Անլըին կալանավորելու որոշում է կայացրել։ Համաքաղաքապետերի ձերբակալության դեմ իրականացված բողոքի ցույցի ընթացքում ձերբակալված պատգամավոր Ալայ Աքաթ Աթան ևս կալանավորվել է։

Թուրքական «Ջումհուրիյեթ» օրաթերթի գլխավոր խմբագիր Մուրադ Սաբունջուն և թղթակիցներ Այդըն Էնգինը, Հիքմեթ Չեթինքայան, Գյուրայ Օզը, Հաքան Քարան և Թուրհան Գյունայը ձերբակալվել են։

Թուրքիայի հայոց պատրիարքարանի հոգևոր խորհուրդը որոշում է կայացրել պաշտոնապես հանգստի կոչել Մեսրոպ Բ-ին, ով արդեն յոթ տարի է անգործունակ է առողջական խնդիրների պատճառով և հայտարարել է, որ դիմում են ներկայացնելու պատրիարքի ընտրություններ անցկացնելու համար։

Առավոտյան ժամերին Իրաքի կառավարությունը հայտարարել է Մոսուլը ԻՊ-ից ազատագրելու համար լայնածավալ գործողություններ սկսելու մասին։ Սրա հետ կապված Թուրքայից արդեն հայտարարություններ են արվում․ «Ե՛վ գործողություններին ենք ներգրավված լինելու, և՛ բանակցության սեղանին ենք լինելու»,- նշել է Թուրքիայի նախագահ Ռեջեփ Թայյիփ Էրդողանը, իսկ փոխվարչապետ Նուման Քուրթուլմուշը ասել է, որ Մոսուլի գործողությունների հետ կաված Թուրքիան նաև «Բ և Գ» պլաններ ունի։

Հրանտ Տինք հիմնադրամի և Համազգայինի կողմից հոկտեմբերի 7-8-ին հիմնադրամի «Հավաք» սրահում խորհրդաժողով էր կազմակերպուել՝ «21-րդ դարում հայկական ինքնութեանը քննադատական մոտեցումներ․ խոցելիութիւն, առաձգականութիւն և փոխակերպութիւն» խորագրով։ Խորհրդաժողովի բանախոսների շարքում էր բնասիրական գիտութիւնների դոկտոր, Խ. Աբովեանի անուան Հայկական Պետական Մանկավարժական Համալսարանի «Սփիւռք» Գիտաուսումնական Կենտրոնի տնօրէն, Հայ նոր եւ նորագոյն գրականութեան ամբիոնի վարիչ Սուրեն Դանիելյանը։ Դանիելյանը, ով բազմաթիվ հետազոտություններ է իրականացրել սփյուռքահայ գրականութեան և արևմտահայերենի կրթական խնդիրների շուրջ, ներկայացրել է Խորհրդային և մերօրյա Հայաստանում արևմտահայերէն կրթութեան խնդիրները։ Ստորև ներկայացնում ենք Սուրեն Դանիելյանի ներկայացրած նիւթը՝ ամբողջութեամբ։

«Հրանտ Դինք» հիմնադրամի և Համազգային հայ կրթական և մշակութային միության համատեղ ջանքերով Ստամբուլում կազմակերպված «Հայկական ինքնության քննական մոտեցումները 21-րդ դարում. խոցելիություն, առաձգականություն, փոխակերպություն» խորագրով միջազգային գիտաժողովի ընթացքում Օքսֆորդի համալսարանի շրջանավարտ, երիտասարդ հայ ուսումնասիրող Հրակ Փափազյանը ներկայացրեց իր «Հայերն ու այլ հայերը Թուրքիայում» վերնագրով աշխատությունը, որը դոկտորական աշխատության նախնական ուսումնասիրության տվյալների վրա է հիմնված։ Դոկտորական աշխատության համար Հ.Փափազյանը երկար ժամանակ անցկացրել է Թուրքիայում` շփվելով տեղի հայերի տարբեր խմբերի հետ:

Հրանտ Դինքի սպանության գործով դատական նիստերի չորրորդ օրը պաշատպանական խոսքով է հանդես եկել սպանության ժամանակաշրջանում Տրապիզոնի ոստիկանության հետախուզության բաժնի պետի տեղակալ Հասան Դուրմուշօղլուն։ Դատական նիստը շարունակվելու է նոյեմբերի 7-ին։

Թուրքիայում տիրող արտակարգ իրավիճակի պայմաններում հոկտեմբերի 5-ին ընդունվել է «Պաշտոնական հայտարարությունների և գովազդների, դրանք հրատարակող պարբերականների մասին կանոնակարգը», ըստ որի արգելվում է պաշտոնական հայտարարություն տեղադրել ոչ թուրքերեն հրատարակվող թերթերում։