Եթէ գերիները Հայաստան չվերադարձուին՝ Ալէն Սիմոնեան ճիշդ չի նկատեր ՔՈՓ29-ին մասնակցիլը

Ազգային ժո­ղովի նա­խագահ Ալէն Սի­մոնեան ճիշդ չի նկա­տեր Պա­քուի մէջ տե­ղի ու­նե­նալիք Կլի­մայի վե­հաժո­ղովին Հա­յաս­տա­նի մաս­նակցու­թիւնը, եթէ գե­րինե­րը չվե­րադար­ձո­ւին։

«Ես չեմ կար­ծեր, որ նման քննարկման պա­րագա­յին, երբ կայ հնա­րաւո­րու­թիւն գե­րի վե­րադարձնե­լու, մենք պէտք է յա­պաղենք եւ չեր­թանք նման քայ­լի, բայց կ՛ապ­րինք, կը տես­նենք», լրագ­րողնե­րու ըսաւ Սի­մոնեան՝ իբ­րեւ պա­տաս­խան այն հար­ցումին, թէ գե­րինե­րուն վե­րադար­ձը պի­տի նպաս­տէ՞, որ Հա­յաս­տան ըն­դունի ՔՈՓ29-ի հրա­ւէրը:

Քա­նի մը օրեր առաջ, Ար­տա­քին Գոր­ծոց Նա­խարար Արա­րատ Միր­զո­յեան յայտնած էր, որ ՔՈՓ29-ի ժո­ղովին՝ Երե­ւանի մաս­նակցու­թիւնը չէ հաս­տա­տուած։

Հա­յաս­տա­նեան մա­մու­լը կը յայտնէ, թէ Միր­զո­յեան կրնայ Պա­քու մեկ­նիլ մէկ պայ­մա­նով՝ Ատրպէյ­ճան Հա­յաս­տա­նին գե­րինե­րը վե­րադարձնէ:

Սի­մոնեան նաեւ յայտնեց որ բա­ցառուած չէ տա­րածաշրջա­նային եր­թուղի­ներու ապաշրջա­փակ­ման հար­ցին Երե­ւանի ու Պա­քուի մի­ջեւ երկկողմ ձե­ւաչա­փով քննար­կումը: փոխ­վարչա­պետ­ներ Մհեր Գրի­գորեանի եւ Շա­հին Մուսթա­ֆաեւի գլխա­ւորու­թեամբ: Սի­մոնեան այլ ման­րա­մաս­նութիւններ չյայտնեց: հարկ նկա­տելով միայն ընդգծել հե­տեւեալը. «Ամէն ինչ հնա­րաւոր է, ես պէտք է ասեմ, որ մենք փոքր, շատ փոքր քայ­լե­րով երկկողմ կը շար­ժո­ւինք դէ­պի դրա­կան ար­դիւնք, եւ իւ­րա­քան­չիւր բան հնա­րաւոր է»: