Եկեղեցին՝ վշտակցութեան վայր
Երբ պետական մակարդակի վրայ երկրագունդի արեւմտեան հատուածը անվերապահօրէն կը զօրակցի Պաղէստինի մէջ Իսրայէլի վարած անմարդկային բռնութեան, հասարակ ժողովուրդի խաւերուն մէջ կը տիրէ բոլորովին ընդհակառակ մերձեցում մը։
Այդ ծիրէ ներս Ամսթերտամի Տոմինիքուս Եկեղեցին աննախադէպ միջոցառում մը կազմակերպեց Կազզայի զոհերը յիշատակելու համար։
Ամսթերտամի Ֆաթիհ Մզկիթի իմամը խորանէն գուրանի ընթերցումներ կատարեց եւ զանազաններ ալ ելոյթներ ունեցան։
Միջոցառման ներկայ գտնուեցան քաղաքապետ Ֆամքէ Հալսեմա եւ Պաղէստինի ներկայացուցիչ աւագ դեսպան Ամմար Հիճազի։ Եկեղեցւոյ երէցը «Անատոլու» գործակալութեան թղթակցին յայտնեց թէ ոչ ոք այս վիշտը ու ընդվզումը կրնայ տանիլ։ «Մարդկանց իրենց զգացումները արտայայտելու եւ եթէ կարելի է միասին սգալու վայրի մը կարիք կայ եւ այդ վայրն ալ մեր օրինակին մէջ ահա այս եկեղեցին է» ըսաւ Յանեքքէ Ստեքմեն։
