Եաշու Պատրիարքին նուիրեց իր նոր պաստառը
Սահակ Բ. Պատրիարք Հայրը, ընդունեց Վալերենա Եաշույի եւ ընտանիքին այցելութիւնը։
Այցելութեան ընթացքին Վալերենա Եաշու յայտնեց, որ սիրողական կերպով կը զբաղի գծանկարչութեամբ եւ քաղաքիս մէջ զանազան ծանօթ անձերու նկարները կը պատրաստէ եւ կը նուիրէ իրենց: Այսպէս, պատրաստած է Նորին Ամենապատուութեան նկարը եւ եկած է զայն նուիրելու մեր Հոգեւոր Պետին:
Նորին Ամենապատուութիւնը բարի գալուստ մաղթեց իր հիւրերուն ու շնորհակալութիւն յայտնեց Վալերենա Եաշույի պատրաստած իւղանկարին համար: Գնահատեց զինք ու իր արուեստասիրական ոգին եւ շնորհաւորեց արձանագրած յաջողութեան համար: Պատրիրաք հայրը նորանոր յաջողութիւններ ու վերելք մաղթեց Վալերենա Եաշույին գեղարուեստի այս կալուածէն ներս:
