Ողբ Արցախի կորուստի կամ ալ կամք վերահաստատման
ՄԱԿ-ի դիտորդներու համաձայն Արցախի մէջ մնացած հայերու թիւը 50-էն 1000-ի միջեւ է։ Արդէն յայտարարուած էր, որ պետական պաշտօն զբաղեցնողներու մէկ մասը պիտի շարունակեն մնալ մինչեւ պետական համակարգի ամբողջական վերացումը։
Միւս կողմէ Ատրպէյճանի իշխանութիւնները կը շարունակեն ձերբակալութիւններու։ Նախորդ շաբաթ ձերբակալուած զինուորականներէ ետք այս անգամ ալ կը հաղորդուի պետական գործիչներու ձերբակալութեան եւ Պաքու փոխադրման մասին լուրեր։
Աշխարհի աչքերուն առջեւ կայացած տոհմիկ զտումի հետեւանքները տակաւին երկար պիտի զբաղեցնեն Հայաստանի ընկերաքաղաքական օրակարգը։ Աթէնքի եւ Պրիւքսէլի մէջ կայացած հանրահաւաքները հայ անհատներու պոռթկումը ցոլացնելէ դուրս նշանակութիւն մը առայժմ չունին։ Ցաւօք կը տեսնենք թէ սփիւռքեան աւանդական կուսակցութիւններն ալ մատնուած են համազգային շուարումի եւ անճարակութեան ճիրաններուն։
Օրուայ հրամայականն է գոյացնել համազգային կամքի դրսեւորման լծակները։
