Ուրախ լուր Երուսաղէմի Պատրիարքարանին

ՈՒՅԿԱՐ ԿԻՒԼԹԷՔԻՆ

[email protected]

Նա­խապէս Երու­սա­ղէմի Պատ­րիար­քա­րանին պատ­կա­նելով հան­դերձ աւե­լի վերջ առգրա­ւուած Մար Եաքոբ եկե­ղեց­ւոյ սե­փակա­նու­թեան հա­մար բա­ցուած դա­տը աւար­տած է։ Վա­քըֆ­նե­րու ընդհա­նուր Տնօ­րէնու­թիւնը ան­գոյ հա­մարած էր Մար Եաքո­բի վար­չութիւ­նը եւ կա­լուած­նե­րը գրա­ւած։ Երու­սա­ղէմի Պատ­րիար­քա­րանը այս անօ­րինու­թեան դէմ դի­մած էր դա­տարան։ Առա­ջին դա­տը բա­ցուած էր 2012-ին։ Ար­տա­քին Գոր­ծոց Նա­խարա­րու­թիւնը դա­տարա­նին ղրկած բա­ցատ­րութեան մէջ կը նշէր, թէ հիմ­նարկը հիմ­նո­ւած է Սուլթան Սե­լիմ Ա. ար­քա­յի օրով եւ նա­խագահն ալ Երու­սա­ղէմի հա­յոց պատ­րիարք է։ Վա­քըֆ­նե­րու Ընդհա­նուր Տնօ­րէնու­թիւնն ալ իր կար­գին ծա­նօթագ­րութիւն մը պատ­րաստե­լով նշած է, թէ հիմ­նադրա­մի եկա­մու­տը մին­չեւ 1950-ական տա­րեթի­ւեր փաս­տա­բան­նե­րու մի­ջոցաւ փո­խան­ցո­ւած է Երու­սա­ղէմի Պատ­րիար­քութեան։ Այս տե­ղեկու­թիւննե­րով հան­դերձ դա­տարա­նը մեր­ժեց Պատ­րիար­քա­րանի դի­մու­մը։

Նոյն որո­շու­մը կա­յացուց նաեւ Վճռա­բեկ ատեանը, որ­մէ ետք կա­րելի եղաւ խնդի­րը փո­խան­ցել Սահ­մա­նադ­րա­կան ատեան։ Այստեղ իրա­ւապաշտպան Ալի Էլ­պէ­յօղ­լու իր տե­սու­թիւնը հիմ­նեց խնդրոյ առար­կայ հաս­տա­տու­թեան օտար հիմ­նադրամ մը ըլ­լա­լուն եւ հե­տեւա­բար Վա­քըֆ­նե­րու Ընդհա­նուր Միու­թեան ալ օտար հիմ­նադրա­մի մը գոր­ծունէու­թիւնը հսկե­լու իրա­ւասու չըլ­լա­լուն շուրջ։ Այսպէ­սով Սահ­մա­նադ­րա­կան Ատեանի որո­շու­մը ու­րա­խու­թիւն յա­ռաջա­ցու­ցած է Երու­սա­ղէմի Պատ­րիար­քա­րանի շրջա­նակ­նե­րու մօտ։