Դինքի սպանության մասին ամեն ինչ նախապես հայտնի է եղել
Պարտավոր էին կանխել սպանությունը
Մեղադրական եզրակացության մեջ նշվում է, որ պատկան մարմինները, որոնք, ըստ իրենց լիազորությունների և պարտականությունների, պետք է կանխեին Դինքի սպանությունը, չեն արել դա, չնայած որ սպանության և հանցավոր գործողությունների մասին նախապես տեղյակ են եղել:
Նշվում է, որ պատկան մարմինները սպանությունն իրականացրած խմբի ղեկավար կամ անդամ չեն, սակայն տեղյակ են եղել, որ սպանությունն իրականացվելու է: Այս անձիք գործողություններ չեն իրականացրել սպանությունը պլանավորող հանցավոր խմբի նկատմամբ, չեն ապահովել Հրանտ Դինքի անվտանգությունը, ուստի, ըստ մեղադրական ակտի, նրանց գործողությունները պետք է որակավորվեն որպես զինված հանցավոր խմբին օժանդակություն:
‹‹Տեղյակ են եղել սպառնալիքներից››
Եզրակացության մեջ նշվում է, որ Տրապիզոնի ոստիկանությունը, Ստամբուլի ոստիկանությունն ու Ոստիկանության հետախուզության վարչությունը նախապես տեղյակ են եղել Դինքի սպանությանը նախորդած զարգցումներից և սպառնալիքների մթնոլորտից:
‹‹Միտումնավոր կերպով թերի հաշվետվություն է ներկայացվել››
Հրանտ Դինքի սպանության նախապատրաստությունների մասին տեղեկություն ձեռք բերելու նպատակով կասկածյալներ Էրհան Թունջելի, Յասին Հայալի և նրանց ղեկավարած խմբի կողմից մի շարք գաղտնի հանդիպումներ են իրականացվել: Մեղադրական եզրակացության համաձայն՝ այս հանդիպումների ընթացքում ձեռք բերված տեղեկութունները ոչ ամբողջովին են ներառվել հանդիպման հաշվետվությունների մեջ:
Մինչև վերջին պահը հետևել են Օգյուն Սամասթին
Եզրակացությունում նշվում է, որ Հրանտ Դինքի սպանության կանխման գործում կենսական նշանակություն ունեցող տեղեկությունները չեն ներկայացվել հաշվետվություններում և միտումնավոր կերպով թաքցվել են:
Մեղադրական ակտի համաձայն՝ Յասին Հայալը և նրա ղեկավարած հանցավոր կազմակերպությունը Հրանտ Դինքի սպանության իրականացման հարցում վճռական են եղել և Հայալը սպանությունն իրականացնելու հնարավորությունների տեր է եղել: Մեղադրականում նաև ընդգծվում է, որ Տրապիզոնի ոստիկանության պաշտոնյաները տեղյակ են եղել Դինքի ապանության իրականացման որոշումից և այն մասին, որ Հայալն ի զորու է իրականացնելու սպանությունը:
