Թաթոյեանի աստղը կը փայլի
Հայաստանի տարածքին կատարուած հարցախոյզի կը համաձայն ժողովուրդի համակրանքը ուղղուած է մարդու իրաւունքներու պաշտպան Արման Թաթոյեանին։
«Կալլուփ» հաստատութեան գործընկեր MP LLC-ի վարիչ Արամ Նաւասարդեան հարցախոյզի արդիւնքները հրապարակեց մամլոյ ժողովի մը միջոցաւ։ Նաւասարդեան յայտնեց թէ մասնակիցներուն առաջարկած են անուններ եւ պահանջած են արժեւորում մը նուազագոյոն 1 եւ առաւելագոյն 5 միաւորի սահմաններուն մէջ։
Արդիւնքներու դասաւորումով պարզուած է թէ ամենաբարձր միաւորումը ստացած է մարդու իրաւունքներու պաշտպան Արման Թաթոյեանը 3,7։
Երկրորդ հորիզոնականին վրայ կը գտնուի վարչապետ Նիկոլ Փաշինեան 2,7
ՀՀ նախագահ Արմեն Սարգիսեան ստացած է 2,4
Հանրապետութեան երկրորդ նախագահ Ռոպերթ Քոչարեան եւ Բարգաւաճ Հայաստան կուսակցութեան պետ Գագիկ Ծառուկեան 2,1
Լուսաւոր Հայաստան կուսակցութեան պետ Էդմոն Մարուքեան 1,9
Հայաստանի երրորդ նախագահ Սերժ Սարգիսեան 1,6
ՀՅԴ-ի ներկայացուցիչ Իշխան Սաղաթելեան եւ ընդդիմադիր դաշինքն վարչապետի թեկնածու Վազգէն Մանուկեան 1,5 միաւոր ստացան։
Այլ հաշուարկումով մը եթէ յառաջիկայ կիրակի ընտրութիւն կայանայ հարցախոյզի մասնակիցներու 31,7 պիտի քուէարկէ այժմու իշխանութեան՝ «Իմ Քայլը» կուսակցութեան ի նպաստ ։ Անոր կը յաջորդէ 5,9-ով Ռոպերթ Քոչարեան։ Բարգաւաճ Հայաստանը կը ստանայ 4,4, Լուսաւոր Հայաստանը 2,2 , Հանրապետական Կուսակցութիւնը 2,4 , ՀՅԴ 2,1 եւ Արցախեան պատերազմէն ետք հիմնուած «Հայրենիքի Փրկութեան Շարժում»ը 1 տոկոս։
Հարցախոյզի արդիւնքները կ՚ապացուցեն նաեւ ընդդիմադիրներու ընտրութենէն խուսափելու պատճառները։
