Դասախօսի կոչում տոքթ. Արթիւր Սալմասլըօղլուի
Իսթանպուլ Չափա բժշակական համալսարանի ռոնթկենի մասնագէտ տոց. տոքթ. Արթիւր Սալմասլըօղլու 7 Յունիսին սոյն հիւանդանոցի մէջ կատարուած արարողութիւնով ստացաւ փրոֆեսորի կոչում։ Սալմասլըօղլու ծնած է 1976 թուին Պոլսոյ մէջ։ Նախնական ուսումը Մխիթարեան վարժարանի մէջ ստանալէ ետք յաճախած է ֆրանսական Սեն Պենուա դպրոցը։ 1995-ին մուտք գործած է Իսթանպուլի համալսարանի բժշկագիտական ճիւղը եւ ապա մասնագիտացած շողանկարումի մարզէն ներս։ Այդ ոլորտէ ներս մասնագիտանալով երկար տարիներ աշխատած է հիւանդանոցի շողանկարման բաժինը եւ 2012 թուականին ալ ստացած տոցենդի աստիճան։ Արթիւր Սալմասլըօղլու այս պատուաբեր տիտղոսին կը տիրանայ շնորհիւ իր հեղինակած բազմաթիւ գրական յօդուածներու, որոնք լոյս տեսած են մասնագիտական զանազան պարբերականներու մէջ։ Ան մինչ այդ նուաճած է նաեւ Թուպիթակի նախագիծերու մրցանակին մէջ տարբեր բնոյթի մրցանակներ եւ կը վարէ Իսթանպուլի զարգացման գործակալութեան մէջ խորհրդատուի պաշտօն։ 2016-ին Ազգային ռատիօլոկիայի համագումարի ընթացքին նուաճած է առաջնութիւնը «Եռաչափ տպիչներու ռատիօլոկիայի մէջ գործադրութիւնը» խորագրեալ յօդուածով։
