Բողոքական համայնքի դեմ սպառնալիքներն աճում են
Թուրքիայում բնակվող բողոքական համայնքին ուղղված ԻՊ-ի սպառնալիքները շարունակվում են։ Սեպտեմբերի 2-ին Բողոքական եկեղեցիների միությունը մամուլի ասուլիս էր կազմակերպել՝ հայտարարելով, որ եկեղեցիներին և հոգևորականներին ուղղված սպառնալիքներ են ստանում։ Մամլո ասուլիսից հետո էլ սպառնալիքները շարունակվեցին։
Մամլո հաղորդագրությունից հետո «Youtube»-ում տեսահոլովակ տարածվեց, որն ուղղված էր բողոքական համայնքի դեմ։ Տեսահահոլովակում բողոքական եկեղեցիների հոգևորականների և համայնքի ներկայացուցիչների նկարներն են ցուցադրվում։ Նույն տեսահոլովակում տեղ են գտել նաև ԻՊ դրոշը և Բաղդադիի նկարը։
Սպառնելիքների շուրջ բողոք
Սպառնալիքներում, որոնք դեռ շարունակվում են, նշվում է, որ բողոքելն անգամ չի օգնի։
Բողոքական եկեղեցիների հոգևորականները և առաջնորդները սպառնալիքների հետ կապված բողոք ներկայացրեցին։ Նշվեց, որ ոստիկանությունը դեպքի հետ կապված հետաքննություն է սկսել։
Բողոքական եկեղեցիների միություն․ «Թուրքիայի տարբեր քաղաքներում գտնվող եկեղեցիները միմյանց նմանվող և մեծ հավանականությամբ նույն աղբյուրից եկող սպառնալիքներ են ստանում։ Սա համակարգված բնույթ է կրում»։
