Բացուեցաւ «Sıfır Atık» հիմնարկի ցուցահանդէսը
Սահակ Բ. Պատրիարք Հայրը, 31 Օգոստոս 2025, Կիրակի իրիկուն, Մարաշլը Յունաց վարժարանի մէջ մասնակցեցաւ «Sıfır Atık» (0 արտանետում/թափօն) հիմնարկի ու Յունաց Վաքըֆներու Զօրակցութեան Միութեան (RUMVADER) գործակցաբար սարքած «Sıfır Artı» ցուցահանդէսին.
Մասնակցեցան Յունաց Ն.Ս.Տ.Տ. Պարթոլոմէոս Տիեզերական Պատրիարքը, քաղաքիս քրիստոնեայ յարանուանութեանց հոգեւոր պետերը կամ ներկայացուցիչները, Հրէից Խախամապետ Ռավ Տաւիտ Սեվի, ինչպէս նաեւ Իսթանպուլի Կուսակալ Տավուտ Կիւլ, Իսթանպուլի երեսփոխան Տքթ. Սեւան Սվաճըօղլու, վաքըֆներու ատենապետներ կամ ներկայացուցիչներ։
Բացման հանդիսութեան բարի գալստեան խօսքը արտասանեց «Sıfır Atık» հիմնարկի նախագահ Սամէտ Աղըրպաշ: Ուղերձներ արտասանեցին նաեւ Յունաց Ն.Ս.Տ.Տ. Պարթոլոմէոս Ծայրագոյն Պատրիարքը եւ Իսթանպուլի Կուսակալը։
