Մեկնարկեց Օրբելի ֆորում 2025-ը
ՀՀ վարչապետի աշխատակազմի Հանրային կապերու եւ տեղեկատւութեան գրասենեակի՝ Օրբելի վերլուծական կեդրոնի կողմէ կազմակերպուած «Օրբելի ֆորում 2025» երկօրեայ համաժողովը մեկնարկած է։
Ֆորումը կը կայանայ Հարաւային Կովկասի տարածքին ձեւաւորուած նոր իրավիճակի պայմաններուն՝ հաշուի առնելով Օգոստոսի 8-ին ստորագրուած Հայաստան–ԱՄՆ–Ատրպէյճան խաղաղութեան պայմանագրի նախաստորագրումը։
Միջոցառման հիմնական նպատակը տարածաշրջանին հաստատուած խաղաղութեան ամրապնդումն է, հաղորդակցման ուղիներու եւ ենթակառուցուածքներու զարգացման խթանումը, ինչպէս նաեւ նոր համագործակցութեան ձեւաչափերու ձեւաւորումը։
Բացման խօսքով հանդէս եկաւ ՀՀ վարչապետի աշխատակազմի ղեկավար Արայիկ Յարութիւնեանը: Վերջինս ուրախութեամբ փաստած է, խաղաղութեան գործընթացը ոչ միայն գաղափարական է, այլեւ արդէն ձեռք բերուած է գործնական արդիւնքներ:
Հիմնական բանախօսութեամբ հանդէս եկած է ՀՀ վարչապետ Նիկոլ Փաշինեան՝ նշելով, որ խորագիրն ամբողջութեամբ կ՚արտայայտէ Հայաստանի Հանրապետութեան Կառավարութեան եւ կառավարող մեծամասնութեան աշխատանքային օրակարգը: Վարչապետը խօսած է 2024 թուականին Հայաստանի Հանրապետութեան եւ Ատրպէյճանի միջեւ ստորագրուած սահմանազատման յանձնաժողովներու համատեղ գործունէութեան կանոնակարգի մասին եւ արձանագրած, որ ըստ էութեան, այն երկու երկրներու միջեւ ստորագրուած առաջին երկկողմ միջազգային փաստաթուղթն է, որ դէ յուրէ իրավական ուժ ունի Հայաստանի եւ Ատրպէյճանի համար:
