Լեւոն Վարդուհեան Վարժարանի ի նպաստ կը մեկնարկէ «Երկու Անիւ Մէկ Երազ» ծրագիրը
ԻՇԽԱՆ ԷՐՏԻՆՉ
Հայ համայնքի երիտասարդ անդամներէն Ռոնի Քոլուքըսայեան, Թոփքափուի Լեւոն Վարդուհեան Վարժարանի օգտին կը ձեռնարկէ հեծանիւի արշաւ: Թոփքափուի Վարժարանը այս տարի 18 միլիոն թրքական լիրայի պիւտճէի բաց ունէր: Սիրոյ սեղանին վարժարանի համար հանգանակուած էր 13 միլիոն թրքական լիրա նուիրատուութիւն։
21 տարեկան Քոլուքըսայեան, Գարակէօզեանի նախակրթարանէն ետք, կրթութիւնը շարունակած էր Նոթր Տամ տը Սիոն երկրորդական վարժարանը։ Ան այժմ կ՚ուսանի Ֆրանսայի Կրենոպլ քաղաքի համալսարանը: Քոլուքըսայեանի ամենամեծ կիրքը բնութեան մէջ քալելն ու հեծանիւ քշելն է: Կրենոպլէն Պոլիս հեծանիւով գալով՝ թէ՛ կլիմայի տագնապին նկատմամբ իրազեկութիւն ապահովել կ՚ուզէ, աջակցելով նաեւ նիւթական դժուարութեան մատնուած Թոփքափուի Վարժարանին։
Զրուցեցինք Ռոնի Քոլուքըսայեանին հետ Ֆրանսայէն Պոլիս նախատեսած իր արշաւի մասին:
Նախ ձեզ ճանչնանք:
Տարրական եւ միջնակարգի ուսումը Գարակէօզեան, իսկ երկրորդականը Նոթր Տամ տը Սիոնի մէջ տեսած եմ: 2023 թուականի Սեպտեմբերին համալսարանական կրթութեանս համար Ֆրանսայի Կրենոպլ քաղաքը եկայ: Ֆիզիքա բաժնի երկրորդ տարուան ուսանող եմ: Լեռնագնացութիւն եւ հեծանիւ քշել կը սիրեմ: Թատրոնով եւ դաշնամուրով ալ կը հետաքրքրուիմ:
Ծրագրին անունը «Երկու Անիւ Մէկ Երազ» է: Ինչպէ՞ս ծնաւ:
Կրենոպլ գալէս ի վեր քաղաքին մէջ ամէն տեղ հեծանիւով կ'երթամ: Ինքնաշարժ եւ հասարակաց փոխադրամիջոց չեմ գործածեր: Քաղաքին ենթակառուցուածքը հեծանիւ քշելու կը քաջալերէ: Քաղաք առաջին անգամ եկած ժամանակ գործածուած հեծանիւ մը գնեցի եւ զայն կը գործածեմ: Ընկերներուս հետ կարճատեւ ճամբորդութիւններ ըրի հեծանիւով: Առաջին երկար հեծանիւի ճամբորդութիւնս անցեալ տարի Կրենոպլէն Ճենովա երթալս էր: Անկէ դուրս ալ քանի մը նման ճամբորդութիւններ ըրի: Միտքիս մէջ միշտ կար Պոլիս հեծանիւով վերադառնալ, կրնա՞մ: Միտքիս մէջ ասիկա ծրագիր դարձնել սկսայ: Փետրուար ամսուն ծրագիրը յստակացաւ: Նաեւ Instagram-ի վրայ բազմաթիւ հեծանիւ քշողներու կը հետեւիմ: Անոնց հետ խօսեցայ, ծանօթացայ եւ գաղափարներ փոխանակեցինք: Անդրադարձայ որ ասիկա նպատակի մը համար կ'ընեն: Թէ՛ անհատական փորձ մը յաջողինլ եւ թէ նպատակ մը իրականացնել:
Լաւ գաղափար մըն էր, իմ անդամակցած պոլսահայ համայնքին ծառայութիւն մը մատուցելը։ Նախ Գարակէօզեան Վարժարանին հետ խօսեցայ: Վարժարանի տնօրէնուհի Նարօտ Վերոնիք Քուրուղօղլուի հետ խօսեցայ եւ Գարակէօզեանի փոխարէն Թօփքափը Լեւոն Վարդուհեան Վարժարանին հետ կապի անցնիլ առաջարկեց: Երկու տարի է համայնքէն հեռու եմ: Թոփքափուի Սուրբ Նիկողայոս Եկեղեցւոյ թաղական խորհուրդի նախագահ Նուրհան Սուճուեան, հօրս ազգականն է եւ իրեն հետ խօսեցայ: Ան յայտնեց թէ իբրեւ վարչութիւն համաձայն են այս ծրագրին։ Իրաւական քանի մը հարցեր կայ, որոնք լուծելու կ'աշխատինք: Ծրագրաւորման իմաստով Suitso աջակցութիւն կու տայ: Նաեւ ճամբորդութեանս ընթացքին, պատրաստուելիք կիրարկումով մը գտնուած տեղիս մասին տեղեկութիւն կրնայ ստացուիլ: Հայ համայնքին մէջ երկրաշարժի պահուն որտեղ գտնուած ըլլալը ցոյց տուող կիրարկումի մը պատրաստութիւնները կան: Կիրարկումը առաջին անգամ ինծի հետ գործածուած պիտի ըլլայ: Կիրարկումին միջերեսին մէջ ճամբայ ելլելուս վերաբերեալ տեղեկութիւն պիտի տամ: Խնդիր մը ապրուած պարագային, Suitso խումբը գտնուած տեղս հիւպատոսարանին պիտի տեղեկացնէ:
Ճամբորդութեան ե՞րբ կը սկսիք:
Մտադիր էի Յունիս 13-ին սկսիլ: Սակայն համալսարանի կրթական օրացոյցին պատճառով քննութեան թուականները յետաձգուեցան: Յուլիս 1-ին ճամբորդութեան պիտի սկսիմ: Հաշիւներուս համաձայն իմ Պոլիս ճամբորդութիւնս մէկ ու կէս ամիս պիտի տեւէ: Օգոստոսի երկրորդ կամ երրորդ շաբաթը հասած պիտի ըլլամ:
Ընտանիքդ ծրագիրը լսելով ի՞նչպէս արձագանգեց:
Սկիզբը բացասական ընդունեցին: Ծրագրին ինքնութեան պատճառով չէ, ճամբորդութեան ընթացքին անցնելիք երթուղիներուս պատճառով մտահոգուեցան: Ճամբորդութեանս ընթացքին մինակ պիտի ըլլամ: Սակայն ուրիշներուն ալ նման ճամբորդութիւններ ըրած ըլլալը լսելով յօժարեցան:
Ծրագրիդ հետ միասին մարդիկ Թոփքափը Վարժարանին նուիրատուութիւն ընելու պիտի քաջալերես: Ինչպէ՞ս պիտի ըլլայ:
Նուիրատուութեան հետ կապուած աշխատանքները կը շարունակուին: Ամենապարզ լուծումը IBAN-ով նուիրատուութիւն ընելն է: Եկեղեցւոյ դրամատան հաշիւին ցանկացող անձ նուիրատուութիւն կրնայ ընել, սակայն ասիկա քաջալերիչ չէ, քանի որ արշաւի համար որքան նուիրատուութիւն հաւաքուած ըլլալը չէք կրնար տեսնել: Սակայն այդ խոչընդոտը յաղթահարելու միջոցներ պիտի գտնուին։ Նուիրատուութեան արշաւը Յուլիս 1-ին պիտի սկսի: Նաեւ անձնական նուիրատուութեան հարթակ մը ունիմ: Այդ մէկը հեծանիւի սարքերու, ճամբորդութեան ընթացքին առնելիք սնունդներու համար բացի: Դպրոցի օժանդակութեան հետ կապ չունի։ «GoFundMe»-ի միջոցով մարդիկ կրնան աջակցութիւն ցուցաբերել:
Ուրիշ վարժարանի մը նուիրատուութիւն կրնա՞յ ըլլալ:
Այս ստեղծուելիք հարթակը միայն Թոփքափը Լեւոն Վարդուհեան Վարժարանին համար պիտի ըլլայ: Կոչս միշտ մեր հաստատութիւններուն աջակցութիւն տալն է:
Հովանաւորութեան իմաստով համայնքին մէջ աջակցողներ կա՞ն:
Աջակցիլ ուզողներ կան։ Թէ՛ նիւթական թէ՛ ալ սարքերու տեսքով աջակցութիւն տալ ուզող անձեր կան: Ընկերային ցանցերու վրայ մարդիկ տեսանելիութեան համար կը բաժնեկցեն: Instagram հաշիւս՝ «Le Gastrovelo»-ի հետեւողներու թիւը 70-էն 253-ի բարձրացաւ: Մէկ շաբթուայ մէջ եղաւ: Հովանաւորութեան համար ալ շփումներս կը շարունակեմ:
Վերջապէս աւելցնել ուզածներդ ո՞րոնք են:
Հետաքրքրական փորձառութիւն մը պիտի ըլլայ: Միայն նպատակս Պոլիս գալ պիտի չըլլայ, թէ՛ տեղացի ժողովուրդին հետ պիտի ծանօթանամ թէ՛ ալ երթուղիին վրայ ապրող հայերուն հետ ալ պիտի հանդիպիմ: Ֆինանսական տեսանկիւնէն Լեւոն Վարդուհեան Վարժարանին աջակցիլ: Նաեւ մշակութային տեսանկիւնէն Պալքանեան շրջանին մէջ ապրող հայերուն հետ ֆիզիքապէս կապ հաստատելով անոնց գոյութիւնն ալ ցոյց տալ կ'ուզեմ: Տեսանիւթեր նկարելով աւելի ուշ վաւերագրականի մը վերածել կ՚ուզեմ այս ճամբորդութիւնը:
Այս ճամբորդութիւնը յաջողութեամբ աւարտելէ ետք ի՞նչ պիտի ընես: Ուրիշ ծրագիրներ ունի՞ս:
Մտքիս մէջ փոքր եւ մեծածաւալ ծրագիրներ կան: Հայ համայնքին մէջ յատուկ կարիքներ ունեցող անհատներուն համար հիմնուած Յոյս Հարթակին համար ալ նման աշխատանք մը կրնամ ընել: Փոքր ծաւալով նուիրատուութիւն հաւաքուի նոյնիսկ իսկական տեսանելիութիւնը աճած պիտի ըլլայ:
