Գեթսեմանիի Սբ. Աստուածածնայ տաճարը յարձակման ենթարկուած

Վերջերս հե­տաքրքրա­կան փուլ մը մտած է հայ-հրէական յա­րաբե­րու­թիւննե­րը։ Յա­ճախ ակա­նատես կ՚ըլ­լանք երե­ւոյթնե­րու, որոնք բա­ցի իրար լրաց­նե­լէ, ամ­բողջո­վին հա­կասող բնոյթ ու­նին։ Ծա­նօթ իրո­ղու­թիւն է հրեայ ար­մա­տական­նե­րու մո­լեռանդ ատե­լու­թիւնը քրիս­տո­նեաներ­ուն եւ մահ­մե­տական­նե­րուն դէմ։ Ար­դա­րեւ յա­ճախա­կի կը լսենք Սուրբ Քա­ղաք այ­ցե­լած հայ ուխտա­ւոր­նե­րու են­թարկո­ւած հա­լածանքնե­րը։ Բա­ղէս­տի­նի ժո­ղովուրդի են­թարկո­ւած խտրա­կանու­թիւնը եւս ծա­նօթ իրո­ղու­թիւն մըն է։ Մահ­մե­տական­նե­րու ծո­մապա­հու­թեան ամ­սի՝ Ռա­մազա­նի նա­խօրէին Իս­րա­յէլի ոս­տի­կանու­թիւնը կրկին ան­գամ ար­գելքներ կը յա­րու­ցէ Ալ Աք­սա­յի մզկի­թի այ­ցե­լու­թեան հա­մար։ Մզկի­թի մէջ երկրպա­գելու ար­տօ­նուած են միայն 55 տա­րեկա­նը անց հա­ւատա­ցեալ­ներ։ Պե­տական խտարական քա­ղաքա­կանու­թեան վրայ կու գայ աւել­նա­լու նաեւ ար­մա­տական հրեանե­րու ան­հա­տական հա­լածան­քը։

Հայ եւ յոյն ուղղա­փառ եկե­ղեցի­ներու հա­մատեղ հսկո­ղու­թեան ներ­քոյ գտնո­ւող Գեթ­սե­մանիի Սուրբ Աս­տո­ւածած­նայ տա­ճարը յար­ձակման են­թարկո­ւած է։ Երու­սա­ղէմի Հա­յոց Պատ­րիար­քա­րանը յայ­տա­րարու­թիւն տա­րածած է՝ դա­տապար­տե­լով տա­ճարի վրայ կա­տարո­ւած յար­ձա­կու­մը։

«Թէեւ Սբ. Աս­տո­ւածած­նայ տա­ճարին վրայ այս յար­ձա­կու­մը առա­ջինն էր սոյն տար­ւոյ սկիզ­բէն ի վեր, սա­կայն քրիս­տո­նէական միւս սրբա­վայ­րե­րը անզգամ յար­ձա­կող­նե­րու կող­մէ մշտա­պէս կ’են­թարկուէին ինչպէս ֆի­զիքա­կան բռնու­թեանց, այնպէս ալ հո­գեբա­նական ճնշումնե­րու։ Եթէ քրիս­տո­նէական սրբա­վայ­րե­րու վրայ կա­տարո­ւած նա­խորդ յար­ձա­կումնե­րը արա­գօրէն դա­տապար­տո­ւէին տե­ղական իշ­խա­նու­թիւննե­րու կող­մէ, եւ յան­ցա­ւոր­նե­րը պատ­ժո­ւէին օրէն­քի ողջ խստու­թեամբ՝ քրիս­տո­նեայ հա­մայնքնե­րու, եկե­ղեցի­ներու եւ վան­քե­րու վրայ նոր յար­ձա­կումներ չէին պա­տահէր։

Կրօ­նական ան­հանդուրժո­ղակա­նու­թիւնը եւ ատե­լու­թեամբ լե­ցուած ոճ­րա­գոր­ծութիւննե­րը՝ իրենց բո­լոր դրսե­ւորումնե­րով, եր­բեք պի­տի չա­պահո­վեն խա­ղաղ հա­մակե­ցու­թեան պայ­մաններ։ Յատ­կա­պէս, երբ այ­սօր գե­րիշ­խող իշ­խա­նու­թեանց կող­մէ ան­վե­րահսկե­լի են այդ յար­ձա­կումնե­րը՝ այդ աւե­լի պի­տի քա­ջալե­րէ ատե­լու­թեամբ լե­ցուած յան­ցա­գոր­ծութեանց ու ան­հանդուրժո­ղակա­նու­թեանց։ Այս տե­սակ գոր­ծո­ղու­թիւններն ու ատոնց ան­պատժե­լիու­թիւնը կը ստեղ­ծէ անա­պահով պայ­մաններ քրիս­տո­նէական հա­մայնքնե­րու հա­մար եւ անվստա­հու­թեան սեր­մեր կը ցա­նէ հա­ւատա­ցեալ­նե­րու, զբօ­սաշրջիկ­նե­րու եւ բնա­կիչ­նե­րու մէջ՝ հան­դէպ տե­ղական իշ­խա­նու­թեանց։

Հե­տեւա­բար, կոչ կ’ընենք Իս­րա­յէլի կա­ռավա­րու­թեան եւ ոս­տի­կանու­թեան, որ­պէսզի լուրջ մի­ջոց­ներ ձեռ­նարկեն՝ կան­խե­լու այ­սօ­րինակ յար­ձա­կումնե­րը եւ պաշտպա­նելու ինչպէս քրիս­տո­նէական սրբա­վայ­րե­րը, այնպէս ալ անոնց ամե­նօրեայ սպա­սաւոր­նե­րը յե­տագայ ոտնձգու­թիւննե­րէ եւ յար­ձա­կումնե­րէ»,- ըսո­ւած է Պատ­րիար­քա­րանի տա­րածած յայ­տա­րարու­թեան մէջ։

«Հա­յոց Ցե­ղաս­պա­նու­թեան
հրա­պարակ» Հայ­ֆա­յի մէջ

Իս­րա­յէլի Հայ­ֆա Քա­ղաքին մէջ Հա­յոց Ցե­ղաս­պա­նու­թեան յի­շատա­կին հրա­պարակ բա­ցուած է։

Կը նշո­ւի, որ հրա­պարա­կը կը կրէ՝ «Հա­յոց Ցե­ղաս­պա­նու­թիւն» անու­նը եւ այս մա­սին «Արե­ւելք» տե­ղեկա­ցաւ։ Երու­սա­ղէմի Հա­յոց Պատ­րիար­քա­րանի դի­ւանա­պետ Հոգշ. Տ. Աղան աբղ.ի դի­մատետ­րեան էջէն, ուր մաս­նա­ւորա­պէս գրո­ւած է՝

Մար­տի 20-ին Իս­րա­յէլի Հայ­ֆա քա­ղաքը, Պէն Կո­րիոն 26ա հաս­ցէին տե­ղի ու­նե­ցաւ «Հա­յոց Ցե­ղաս­պա­նու­թեան հրա­պարակ»ի բաց­ման եւ ցու­ցա­նակի քօ­ղազերծման արա­րողու­թիւնը։

Երու­սա­ղէմի Հա­յոց Պատ­րիար­քա­րանէն ներ­կայ էին կա­լուած­նե­րու գրա­սենեակի տնօ­րէն Տ. Կո­րիւն վրդ. Պաղ­դա­սարեանը, Դի­ւանա­պետ՝ Տ. Աղան աբղ. Գոգ­չեանը եւ Հայ­ֆա­յի հա­յոց հո­գեւոր հո­վիւ Տ. Տի­րայր քհն. Յո­վակի­մեանը։

Թուրքիոյ ԱրտԳործ Նա­խարար Մեվ­լուտ Չա­ւու­շօղլու հա­կազ­դեց Իս­րա­յէլի կա­ռավա­րու­թեան, Հայ­ֆա­յի մէջ Հա­յոց ցե­ղաս­պա­նու­թեան ձօ­նուած հրա­պարա­կի բաց­ման առ­թիւ։