Իրանի Նախագահի յայտարարութիւնները

Իրա­նի դիր­քո­րոշու­մը ան­փո­փոխ է։ Թեհ­րան դէմ է տա­րածաշրջա­նին մէջ սահ­մաննե­րու փո­փոխու­թեան։ Երե­ւանի մէջ Հա­յաս­տա­նի վար­չա­պետ Նի­կոլ Փա­շինեանի հետ նեղ եւ ընդլայ­նո­ւած կազ­մով բա­նակ­ցութիւննե­րէն ետք յայ­տա­րարեց Իրա­նի նա­խագահ Մա­սուտ Փե­զեշ­քեան՝ շեշ­տե­լով. «Իրա­նի դիր­քո­րոշու­մը սահ­մաննե­րու ան­փո­փոխու­թեան մա­սին է, եւ կը կար­ծենք, թէ այդ փո­փոխու­թիւնը աշ­խա­րահա­քաղա­քական մրցակ­ցութեան պատ­ճառ կրնայ դառ­նալ»։

Փե­զեշ­քեան ան­գամ մը եւս ընդգծեց, թէ իրենք դէմ են, որ տա­րածաշրջա­նի հար­ցե­րը ար­տա­պատո­ւիրա­կեն տա­րածաշրջա­նէն դուրս գտնո­ւող եր­կիրնե­րուն։ «Կը հա­ւատանք, որ տա­րածաշրջա­նին մէջ ղե­կավա­րու­մը պէտք է ըլ­լայ կով­կա­սեան, եւ հար­ցե­րու ար­տա­յանձնու­մը տա­րածաշրջա­նէն դուրս գտնո­ւող տէ­րու­թիւննե­րուն տա­րածաշրջա­նին մէջ իրա­վիճա­կը պի­տի բար­դացնէ», ըսաւ Փե­զեշ­քեան՝ հաս­տա­տելով, որ Իրա­նի հա­մար Կով­կա­սի մէջ խա­ղաղու­թիւնը ռազ­մա­վարա­կան նշա­նակու­թիւն ու­նի։

Հա­յաս­տա­նի տա­րած­քա­յին ամ­բողջա­կանու­թեան պաշտպա­նու­թիւնը Իրա­նի քա­ղաքա­կանու­թիւնն է, եւ տա­րածաշրջա­նին մէջ որե­ւէ ու­ժի կի­րար­կումին դէմ են, յայ­տա­րարեց Փե­զեշ­քեան եւ ող­ջունեց խա­ղաղու­թեան շուրջ Հա­յաս­տա­նի եւ Ատրպէյ­ճա­նի բա­նակ­ցութիւննե­րը։

Փա­շինեան յայտնեց, որ ինք Փե­զեշ­քեանի հետ քննար­կած է Ուա­շին­թը­նի 8 Օգոս­տո­սի հա­մաձայ­նա­գիրին ման­րա­մաս­նութիւննե­րը՝ դի­տել տա­լով, որ անի­կա տա­րածաշրջա­նի զար­գացման հա­մար հե­ռան­կարներ պի­տի բա­նայ, որ նաեւ քննար­կո­ւած են տա­րածաշրջա­նային խա­ղաղու­թեան եւ ճամ­բա­ներու ապաշրջա­փակ­ման հար­ցե­րը։ Փա­շինեան հաս­տա­տեց, որ Հա­յաս­տա­նի եւ Իրա­նի հա­մար մի­ջազ­գա­յին սահ­մաննե­րու ան­խախտ ըլ­լա­լը կեն­սա­կան նշա­նակու­թիւն ու­նի։

«Ես ու­րախ եմ եւ շնոր­հա­կալ նա­խագահ Փե­զեշ­քեանին՝ այս հա­մաձայ­նութիւննե­րի մա­սին իր առար­կա­յական գնա­հատա­կան­նե­րի հա­մար: Ատրպէյ­ճա­նի հետ մեր առանցքա­յին հա­մաձայ­նագրե­րից մէ­կը տա­րածաշրջա­նում հա­ղոր­դակցու­թեան ու­ղի­ների վե­րաբաց­ման մա­սին է։ Սա ամ­բողջու­թեամբ հա­մապա­տաս­խա­նում է Խա­ղաղու­թեան խաչ­մե­րուկ նա­խագ­ծին։ Մենք եր­կուստեք հա­մաձայ­նե­ցինք, որ հա­սու­նա­ցել է ժա­մանա­կը աշ­խա­տանքներ իրա­կանաց­նել մեր երկրնե­րի յա­րաբե­րու­թիւննե­րը բարձրաց­նե­լու ռազ­մա­վարա­կան գոր­ծընկե­րու­թեան մա­կար­դա­կի», ըսաւ Փա­շինեան։

«Ազա­տու­թիւն»ը կը տե­ղեկաց­նէ, թէ Հա­յաս­տան-Իրան սահ­մա­նին վրայ եր­րորդ երկրի մը ներ­կա­յու­թեան վե­րաբե­րեալ Իրա­նի մտա­հոգու­թիւննե­րը, ըստ երե­ւոյ­թին, չեն փա­րատած Փե­զեշ­քիեանի եւ Փա­շինեանի բա­նակ­ցութիւննե­րուն լոյ­սին տակ։ Ար­դա­րեւ, հան­դի­պու­մէն ու յայ­տա­րարու­թե­նէն ետք Իրա­նի ղե­կավա­րը «Էքս»ի իր էջին վրայ գրած է հե­տեւեալը. «Հա­յաս­տա­նի վար­չա­պետին հետ հան­դի­պու­մին ըն­թացքին ես ընդգծե­ցի Իրա­նի Իս­լա­մական Հան­րա­պետու­թեան տե­սակէ­տը Հա­յաս­տա­նի գե­րիշ­խա­նու­թեան եւ տա­րած­քա­յին ամ­բողջա­կանու­թեան պահ­պանման մա­սին, շեշ­տե­ցի նաեւ, որ մեր միացեալ սահ­մա­նին եր­րորդ ու­ժե­րու ներ­կա­յու­թեան մա­սին մեր մտա­հոգու­թիւննե­րը պէտք է փա­րատին»։

Փո­խադ­րութիւննե­րու աճող ծա­ւալը նկա­տի ու­նե­նալով` կող­մե­րը հա­մաձայ­նե­ցաւ Իրան-Հա­յաս­տան սահ­մա­նին երկրորդ կա­մուրջ մը կա­ռու­ցել։

Իրա­նի ու Հա­յաս­տա­նի ղե­կավար­նե­րը նաեւ ստո­րագ­րե­ցին միացեալ յայ­տա­րարու­թիւն մը, որուն մէջ Երե­ւանի ու Թեհ­րա­նի գոր­ծընկե­րու­թիւնը ռազ­մա­վարա­կան դարձնե­լու մտադ­րութե­նէն բա­ցի անդրա­դարձ կը կա­տարո­ւի տնտե­սական եւ առեւտրա­կան կա­պերու զար­գացման։

Հա­յաս­տա­նի ար­տա­քին գոր­ծոց նա­խարար Արա­րատ Միր­զո­յեան տե­սակ­ցե­ցաւ Իրա­նի իր պաշ­տօ­նակի­ցին՝ Սէ­յիտ Ապ­պաս Արաղ­ճիի հետ։

Երե­ւանի մէջ տե­ղի ու­նե­ցան հան­դի­պումներ նաեւ տար­բեր նա­խարա­րու­թիւննե­րու ներ­կա­յացու­ցիչներուն միջեւ։