Հացադուլի դէմ ոստիկանական բռնութիւն

ԲԱԳՐԱՏ ԷՍԴՈՒԳԵԱՆ

[email protected]

Պիտի յամառինք յարատեւօրէն օրա­կար­գի վրայ պա­հել Ան­գա­րայի մէջ գոր­ծադրուող հա­ցադու­լի մա­սին լրա­տուու­թիւնը։ Հա­մոզուած ենք որ այս յա­մառու­թեան ետին կայ մար­դու իրա­ւունքնե­րու մա­սին պայ­քա­րելու անհրա­ժեշտ հրա­մայա­կանը։ Ան­գա­րայի կեդ­րոն Գը­զըլայ թա­ղի մէջ շա­րու­նա­կուող հա­ցադու­լը նա­խորդ շա­բաթա­վեր­ջին ընդհա­տուե­ցաւ ոս­տի­կանա­կան մի­ջամ­տութեամբ։ Եր­կու բո­ղոքող դա­սախօս­ներ Նու­րի­յէ Աք­ման, Սե­միհ Էօզաք­չա ոս­տի­կան­նե­րու կող­մէ բեր­ման են­թարկուեցան, մինչ այդ իրենց զօ­րակ­ցողնե­րու դէմ ոս­տի­կանա­կան բռնու­թիւնը կը շա­րու­նա­կուի հա­մատա­րած կեր­պով։ Զօ­րակ­ցութեան ցոյ­ցե­րը, որ սկսած էին Եիւքսել փո­ղոցի վրայ, հետզհե­տէ թափ առին ծա­ւալե­լով դէ­պի Իս­թանպուլ, իզ­միր, Տի­յար­պէ­քիր, Սամ­սուն եւ այլ քա­ղաք­ներ։ Զօ­րակ­ցութեան հա­մար եկող­նե­րու մէջ յա­ճախ կը հան­դի­պինք ծա­նօթ դէմ­քե­րու։ Օրի­նակի հա­մար «Կէ­զի»ի դէպ­քե­րու ըն­թացքին դա­ժան ծե­ծի հե­տեւան­քով մա­հացած Ալի Իս­մա­յիլ Քորքմա­զի մայ­րը, կամ «Վե­րադարձ Դէ­պի Կեանք» կո­չուած գոր­ծո­ղու­թեան ըն­թացքին թե­ւը կորսնցու­ցած Վե­լի Սա­չըլըք, նոյնպէս «Կէ­զի»ի դէպ­քե­րու ըն­թացքին սպան­նուած Էթ­հեմ Սա­րըսիւ­լիւքի եղ­բայրը կը յայտնուին հա­ցադուլ ընող Նու­րի­յէ Աք­ման եւ Սե­միհ Էօզաք­չա­յի կող­քին։

Վեր­ջերս զօ­րակ­ցութեան կու գան նաեւ Հան­րա­պետա­կան Կու­սակցու­թեան պատ­գա­մաւոր­նե­րը։ Իսկ ՀՏՓ-ական­նե­րը տա­կաւին առա­ջին օրե­րէն սկսեալ միշտ իրենց կող­քին էին։

Հա­ցադու­լը կը շա­րու­նա­կուի նաեւ Տէր­սիմ՝ Սէ­յիտ Ռը­զա հրա­պարա­կին վրայ։ Այստեղ ալ Քե­մալ Կիւն կը պայ­քա­րի իր սպան­նուած որդւոյն դիակին տի­րանա­լու եւ զայն ար­ժա­նի կեր­պով հո­ղին յանձնե­լու հա­մար։ Լոկ այս պատ­ճա­ռաբա­նու­թիւնը ան­գամ ապա­ցոյց մըն է թէ մար­դիկ պար­զա­պէս մարդկա­յինի հաս­նե­լու ձգտու­մով իրենց կեան­քը կը զո­հաբե­րեն, իբ­րեւ մարտնչե­լու մի­ջոց։ Ար­դէն իսկ երեք բո­ղոքող­նե­րու հա­մար ալ ան­ցած է անվնաս վե­րադար­ձի հանգրուանը։ Անոնք նոյ­նիսկ այս պա­հէն ետք ար­ժա­նանան բժշկա­կան խնամ­քի, իրենց կեան­քը պի­տի շա­րու­նա­կեն ան­դարմա­նելի հի­ւան­դութիւննե­րով։ Իսկ շա­րու­նա­կուող օրե­րը զի­րենք կը տա­նին դէ­պի մահ։ Երե­ւոյթ մը, որուն դէմ հա­սարա­կու­թիւնը զգա­յուն է, բայց իշ­խա­նու­թիւննե­րը կը պա­հեն բա­ցար­ձակ լռու­թիւն։ Այդ լռու­թիւնը վեր­ջա­պէս ժխտա­կան իմաս­տով եւ բռնի կեր­պով փա­րատե­ցաւ 23 Մա­յիս Երեք­շաբթի, երբ ձեր­բա­կալու­թեան որո­շում առ­նուեցաւ հա­ցադու­լի դի­մած եր­կու ու­սուցիչ­նե­րու դէմ։ Այժմ իրենց կեան­քին հան­դէպ մտա­հոգու­թիւնը ալ աւելի լուրջ է, քանի որ ամենափոքր վարակը իսկ կրնայ մահացու հետեւանքներ ունենալ։