Յարատեւ դիմադրութիւն

Երբ Քամփ Ար­մէ­նի յափշտակ­ման խնդի­րը առա­ջին օրե­րու բո­ցավա­րու­մէն ետք հետզհե­տէ հան­գած եւ բար­ձի­թող ըլ­լա­լու վե­րածուած տպա­ւորու­թիւն մը կը թո­ղու, Նոր Զար­թօնքի եւ Քամփ Ար­մէ­նի Զօ­րակ­ցութեան պա­հան­ջա­տիրու­թիւնը օրըս­տօ­րէ կը ծա­ւալի։ Այս պայ­մաննե­րու տակ Ակօսն ալ իր սիւ­նակնե­րու մի­ջոցաւ վճռած է յա­րատեւօրէն օրա­կար­գի վրայ պա­հել այս նիւ­թը։ Ար­դէն թե­ւակո­խած ենք քան­դիչ սար­քե­րու Քամփ Ար­մէն մուտք գոր­ծե­լուն յա­ջոր­դող 53-րդ օրը։ Այդքան օր է, որ Նոր Զար­թօնքի երի­տասարդ գոր­ծիչնե­րը գրա­ւած կը պա­հեն ճամ­բա­րի տա­րած­քը, ար­գելք ըլ­լա­լու հա­մար յան­կարծա­կի որե­ւէ զար­գա­ցու­մի։ Քամփ Ար­մէ­նի Զօ­րակ­ցութեան հար­թա­կը եւ Նոր Զար­թօնք նա­խորդ Ուրբաթ օր Ճե­զայիր շէն­քի մէջ մամ­լոյ յայ­տա­րարու­թիւն մը կա­տարե­ցին եւ թղթա­կից­նե­րուն բա­ցատ­րութիւններ տուին իրենց բռնած դիր­քին մա­սին։ «Այս խո­չըն­դո­տը գո­յաց­նո­ղը պե­տու­թիւնն է, հե­տեւա­բար լու­ծումն ալ պե­տու­թե­նէն պի­տի սպա­սենք։ Պե­տու­թիւնը կը նա­խընտրէ շու­քի մէջ մնալ եւ խնդի­րը հո­ղատա­րած­քի սե­փակա­նատի­րոջ մի­ջոցաւ լու­ծել։ Բայց մեր կո­չերը միշտ պե­տու­թեան ուղղեալ են։ Այդ պատ­ճա­ռաւ ալ կը մեր­ժենք կող­քի դե­րակա­տար­նե­րու հետ բա­նակ­ցութիւն վա­րել։ Սե­փակա­նատէ­րը իբ­րեւ թէ վար­չա­պետին եւ այլ քա­ղաքա­կան դէմ­քե­րու խնդրան­քին ըն­դա­ռաջե­լով խոս­տա­ցած էր կա­լուա­ծը նուիրել։ Այժմ յայտնի չէ թէ ին­չու չի­րակա­նանար այդ խոս­տումը։ Թա­փան­ցիկ գոր­ծընթաց մը գո­յու­թիւն չու­նի, ու­րեմն մենք ալ չենք գի­տեր թէ ին­չեր կը սա­կար­կուին փակ դռնե­րու ետին։ Բայց մեր պա­հան­ջը յստակ է, -Քամփ Ար­մէ­նը վե­րադար­ձուցէք հայ ժո­ղովուրդին-։ Մենք այս պա­հան­ջին տէրն ենք եւ մին­չեւ որ մեր պա­հան­ջը չի­րակա­նանայ չենք լքեր մեզ­մէ թա­լանուած հո­ղը»։

Նոր Զար­թօնք, մամ­լոյ խայ­տա­ռակու­թե­նէ ետք, երկրորդ զան­գուածա­յին երթ մը կը կազ­մա­կեր­պէ 26 Յու­նիս, Ուրբաթ, ժա­մը 19.30-ին Թիւ­նե­լի հրա­պարա­կէն մեկ­նե­լով։ Կը տե­ղեկա­ցուի թէ նոյն օր, նոյն ժա­մուն այս բնոյ­թով հան­րա­հաւաք ու երթ մըն ալ պի­տի կա­յանայ Ան­գա­րա, Եիւքսել փողոցի վրայ։