Հայ-թրքական հակաթրաֆիքինկի համագործակցութիւն
ՅԱՍՄԻԿ ՏՕՆԱՊԵՏԵԱՆ
«Աուտիօ-Վիժըլ (AudioVisual) Լրագրողներու Միութիւն» հասարակական կազմակերպութիւնը սոյն թուականի Սեպտեմբերի 8-ին հանդիպում ունեցաւ Թուրքիոյ մէջ գործող կազմակերպութիւններու հետ, որոնք կը զբաղուին մարդավաճառումի (թրաֆիքինկ) հարցով։
Մասնակիցներուն նախ ներկայացուեցաւ կազմակերպութեան առաքելութիւնը, իրականացուցած ծրագիրները ու ապա քննարկուեցաւ համագործակցութեան հեռանկարները։
Հայաստանը «Մարդկանց թրաֆիքինկ»ի մասին ԱՄՆ Պետքարտուղարութեան 2014թ-ի զեկոյցին 188 երկիրներու շարքին դասուած է առաջին խումբի մէջ, ինչը կը նշանակէ, որ ՀՀ կառավարութիւնը առաւելագոյն ջանքեր կը գործադրէ թրաֆիքինկի դէմ պայքարի ուղղութիւնով։ Այս ցուցանիշը, ինչ խօսք, անչափ գովելի է, սակայն, թերեւս, պէտք է առաւել կարեւորել գործադրած ջանքերու արդիւնաւետութիւնը։
«Աուտիօ-Վիժըլ Լրագրողներու Միութիւն» հասարակական կազմակեպութիւնը հետաքրքրուած էր Թուրքիոյ մէջ տիրող իրավիճակով, եւ թէ մէտիան ինչպէս կ՚անդրադառնայ թրաֆիքինկի խնդրին։ Մասնակից կառոյցները ներկայացուցին այս ոլորտէ ներս իրենց փորձառութիւնը, եւ շեշտեցին, որ Հայաստանի եւ Թուրքիոյ մէջ թրաֆիքինկի դէմ պայքարը տարբեր ուղղութիւններով է։ Հայաստանը կը հանդիսանայ աղբիւր-երկիր, ուրկէ մարդիկ թրաֆիքինկի կ՚ենթարկուին։ Հետեւաբար, պետական քաղաքականութիւնը եւ երկրի մէտիայի անդրադարձը տարբեր է։
Կը կարծեմ թէ, այս պատճառով է, որ Հայաստան աւելի մտահոգ պիտի ըլլայ թրաֆիքինկի դէմ պայքարի աքտիվ եւ արդիւնաւետ գործելուն, որպէսզի կանխէ այն Հայաստանի սահմաններէ ներս եւ ոչ թէ պայքարի անոր հետեւանքներուն դէմ Թուրքիոյ մէջ։
