Կեսարիոյ մշակութային ժառանգութիւնը

Հրանդ Տինք հիմ­նարկի Մշա­կու­թա­յին ժա­ռան­գութեան նա­խագի­ծը կը շա­րու­նա­կուի 2014-ի սկիզ­բէն ի վեր։ Այս տա­րի նո­րոգո­ւած ծրա­գիրով մը իր գոր­ծունէու­թիւնը շա­րու­նա­կող նա­խագի­ծը, Յու­նիս ամ­սո­ւան ըն­թացքին կա­տարած է այց մը Կե­սարիոյ նա­հանգ, որուն նպա­տակն էր տեղ­ւոյն վրայ սեր­տել, տե­ղագ­րել ու լու­սանկա­րել յու­նա­կան եւ հայ­կա­կան մշա­կու­թա­յին ժա­ռան­գութիւ­նը։

Նա­խագի­ծը կը մի­տի ցան­կագրել ու քար­տէ­սագ­րել ոչ-իս­լամ ժո­ղովուրդնե­րուն պատ­կա­նող մշա­կու­թա­յին ժա­ռան­գութիւ­նը, կեդ­րո­նանա­լով յոյ­նե­րու, հրեանե­րու, ասո­րինե­րու եւ հա­յերու կա­ռու­ցած մշա­կու­թա­յին ժա­ռան­գութեան վրայ։ Ցան­կե­րուն մէջ տեղ կը գտնեն, եկե­ղեցի­ներ, վան­քեր, մա­տուռներ, դպրոց­ներ, որ­բա­նոց­ներ, գե­րեզ­մա­նատու­ներ եւ այլ հան­րա­յին բնոյթ կրող կա­ռոյցներ։

Նա­խագի­ծը կ՚ընդգրէ ցան­կագրման աշ­խա­տանք հա­մայն Թուրքիոյ Հան­րա­պետու­թեան տա­րած­քին, ուր ար­դէն իսկ հա­զարա­ւոր միաւոր ի մի բե­րուած են, զա­նազան սկզբնա­կան աղ­բիւրնե­րու՝ պատ­րիար­քա­կան ցան­կե­րու, հայ­րե­նակ­ցա­կան յու­շա­մատեան­նե­րու, օս­մանեան ար­խիւնե­րու, եկե­ղեցա­կան տո­մար­նե­րու, եւ երկրոր­դա­կան աղ­բիւրնե­րու վրայ հիմ­նուելով։ Կե­սարիոյ պա­րագա­յին ցան­կագրու­մը եւ քար­տէ­սագ­րութիւ­նը կ՚ամ­բողջա­նայ դաշ­տա­յին սեր­տո­ղու­թեամբ, որուն ըն­թացքին կը հա­մեմա­տուին աղ­բիւրնե­րէ հա­ւաքո­ւած տե­ղեկու­թիւննե­րը գետ­նի վրայ իրա­կանութեան հետ։ Հա­մեմա­տու­թեան խնդիր­նե­րը ըլ­լա­լով յայտնա­բերել, թէ հա­րիւ­րա­ւոր հան­րա­յին կա­ռոյցնե­րէն այժմ որ­քա՞նն է որ կան­գուն է, որ­քա­նը՞ կը բա­նի այլ նպա­տակ­նե­րով, որ­քա­նը՞ ան­յայտ կո­րած է եւ որո՞նց վե­րաբերեալ կա­րելի է փրկե­լու աշ­խա­տանք տա­նիլ։

Կե­սարիոյ դաշ­տա­յին աշ­խա­տան­քը բաղ­կա­ցած էր եր­կու հանգրո­ւանէ։ Առա­ջինը Մշա­կու­թա­յին ժա­ռան­գութեան նա­խագի­ծի աշ­խա­տակից­նե­րուն կող­մէ ինը օրե­րու վրայ եր­կա­րող արագ այ­ցե­լու­թիւններն էին կա­ռոյցնե­րուն հա­ւանա­կան վայ­րե­րը, նա­խագի­ծի ցան­կե­րուն վրայ հիմ­նո­ւած։ Առա­ջին հանգրո­ւանը սահ­մա­նափակուած էր նախ­նա­կան սեր­տո­ղու­թեամբ, տե­ղագ­րութեամբ եւ լու­սանկա­րելով, նպա­տակ ու­նե­նալով կա­րելի եղա­ծին չափ ամ­բողջա­կան հե­տախու­զա­կան աշ­խա­տանք տա­նիլ։ Երկրորդ հանգրո­ւանը հիմ­նո­ւած էր առա­ջին հանգըր­ւանին վրայ, որուն ըն­թացքին առա­ջին հանգըր­ւանին յայտնա­բերո­ւած մշա­կու­թա­յին ժա­ռան­գութեան կա­ռոյցնե­րէն ընտրա­նի մը կազ­մո­ւելով, մաս­նա­գէտ­նե­րու խումբ մը կը տա­նի աւե­լի հա­մապար­փակ սեր­տո­ղու­թիւն կա­ռոյցնե­րուն վե­րաբե­րեալ։ Երկրորդ հանգրո­ւանին հա­մար, Հրանդ Տինք հիմ­նարկը կը հա­մագոր­ծակցի Մշա­կու­թա­յին ժա­ռան­գութիւ­նը պահ­պա­նելու կազ­մա­կեր­պութեան հետ (KMKD)։

Կե­սարիոյ աշ­խա­տան­քին վե­րաբե­րեալ պի­տի հրա­տարա­կուի տե­ղեկա­գիր մը, որուն մէջ տեղ պի­տի գտնեն դաշ­տա­յին աշ­խա­տան­քի ար­դիւնքնե­րը եւ մաս­նա­գէտ­նե­րու խումբին կող­մէ պատ­րաստո­ւած կո­րուստի ու վտան­գի հա­ւանա­կանու­թեան գնա­հատու­մը։ Հինգ կա­ռոյ­ցի վե­րաբե­րեալ յա­ւելեալ ման­րա­մաս­նութիւններ տեղ պի­տի գտնեն, ի մի­տի ու­նե­նալով քա­րոզ­չա­կան եւ պաշտպա­նողա­կան աշ­խա­տանք տա­նիլ, տեղեկագիրը հասցնելով պատկան մարմիններու։