Կոչ՝ դիմադրողները գօտեպնդալու համար

ՈՒՅԿԱՐ ԿԻՒԼԹԷՔԻՆ

[email protected]

Նախորդ Չորեքշաբթի օր լուրը ռումբի մը նման ինկած էր «Ակօս»ի խմբագրատունը։ Քանդիչ սարքեր սկսած էին փլել Թուզլա­յի Ման­կա­կան Ճամ­բա­րի, այլ խօս­քով Գամփ Ար­մե­նի շէն­քե­րը։ Առա­ջին լու­րե­րուն յա­ջոր­դե­ցին դրա­կան զար­գա­ցումներ։ ՀՏՓ կու­սակցու­թեան Թուզլա­յի մաս­նա­ճիւ­ղի գոր­ծիչնե­րը փլուզման լու­րը լսե­լով փու­թա­ցած էին ճամ­բար։ Շու­տով անոնց միացան ՃՀՓ կու­սակցու­թեան ան­դամները։ Ապա վրայ հա­սան հայ երի­տասարդնե­րու Նոր Զար­թօնք շար­ժումի ան­դամնե­րը։ Եկող­նե­րը յա­ջողե­ցան փլու­զումը կա­սեց­նե­լու եւ քան­դիչ մե­քենա­ները տա­րած­քէն դուրս հա­նելու։ Որո­շուե­ցաւ վայ­րը ան­տէր չթո­ղուլ։ Այս որո­շու­մի հա­մաձայն փլուզման երկրորդ փորձ մը կան­խե­լու հա­մար վճռուեցաւ տա­րած­քէն չհե­ռանալ։ Իս­կոյն ձեռ­նարկուեցաւ կազ­մա­կերպչա­կան աշ­խա­տու­թեան։ Ար­դա­րեւ Շա­բաթ օր բազ­մա­հարիւր այ­ցե­լու­ներ եկան ճամ­բար, իրենց զօ­րակ­ցութիւ­նը բե­րելու հա­մար դի­մադ­րող երի­տասար­դա­կան կամ­քին։ Թեր­թե­րը եւ հե­ռուստա­կայան­նե­րը ար­ձա­գան­գե­լով նիւ­թին, ու­շադրու­թիւնը կեդ­րո­նացու­ցին դէ­պի այս լքեալ հաս­տա­տու­թեան։ Այսպէ­սով տար­բեր բնոյ­թի հա­սարա­կական կազ­մա­կեր­պութիւններ մի­ջամուխ եղան այս դէպ­քին։ Թաք­սի­մի «Կէ­զի» զբօ­սայ­գիի դի­մադ­րութեան գլխա­ւոր դե­րակա­տար­նե­րէն եւ Ճար­տա­րապետ­նե­րու Միու­թեան Իս­թանպու­լի մաս­նա­ճիւ­ղի քար­տուղար Միւ­ճէլլա Եափը­ճը, Քա­ղաքաշինութեան Կա­ճառի Իս­թանպու­լի մաս­նա­ճիւ­ղի ատե­նապետ Թայ­ֆուն Քահ­րա­ման, ճար­տա­րապետ Քոր­հան Կիւ­միւշ եւ իրա­ւապաշտպան Ճան Աթա­լայ առա­ջին փու­թա­ցող­նե­րը եղան։ Հոն էին ճամ­բա­րի նախ­կին սա­ներէն Կա­րապետ Օրու­նէօզ, Սիլ­վա Էօզյէր­լի, Պէս­սէ Քա­պաք, Զա­քար Գա­րաքիւ­թիւք, Ռա­քէլ Տինք եւ ու­րիշներ։ Անի եւ Կա­րապետ Պա­լըք­ճը ամո­լի կող­քին, Պա­քըր­գիւղի քա­ղաքա­պետի օգ­նա­կան Մարգրիտ Տիք­մէ, ՀՏՓ կու­սակցու­թեան ասո­րի թեկ­նա­ծու Էր­քան Մե­թին եւ հայ թեկ­նա­ծու Կա­րօ Փայ­լան, Սա­մաթիոյ մէջ սպա­նու­թեան զոհ գա­ցած Մա­րիցա Քիւ­չիւքի դուստրը Սա­թենիկ Քիւ­չիւք, Վա­քըֆ­նե­րու Խոր­հուրդի մէջ փոք­րա­մաս­նութիւննե­րու ներ­կա­յացու­ցիչ Թո­րոս Ալ­ճան, Տիւ­շիւնճէ Փլաթ­ֆորմու հար­թա­կէն Յա­րութ Էօզէր։

Նոր Զար­թօնք շար­ժումը այս գրա­ւու­մը կը մեկ­նա­բանէր ճամ­բա­րի մուտքին կա­խած «Ցե­ղաս­պա­նու­թիւնը կը շա­րու­նա­կուի» վեր­տա­ռու­թիւնով։ Նշենք որ թա­ղեցի­ները եւս կը մաս­նակցին այս դի­մադ­րութեան ար­շա­ւին։ Անոնք յա­ճախ սննդամ­թերք կը բե­րեն հոն հերթ պահող երի­տասարդնե­րուն հա­մար։

Այս զար­գա­ցումնե­րու կող­քին կա­ռավա­րու­թիւնը շարժման ան­ցած է եւ վար­չա­պետ Տա­ւու­թօղլուի կար­գադրու­թեամբ երես­փո­խանական թեկ­նա­ծու Մար­գար Եսա­յեանը պաշ­տօ­նակո­չած է բա­նակ­ցութիւննե­րու մի­ջոցաւ լուծման եզր մը գտնե­լու հա­մար։ Այսպէս Կէ­տիկ­փա­շայի Աւե­տարան­չա­կան Եկե­ղեց­ւոյ պա­տուե­լի Գրի­գոր Աղա­պալօղ­լու, Նոր Զար­թօնք շար­ժումի ներ­կա­յացու­ցիչ Ալէք­սիս Քալք, Թո­րոս Ալ­ճան, Կա­րապետ Օրու­նէօզ, Յա­րութ Էօզէր, իրա­ւապաշտպան Սե­պուհ Աս­լանկիլ մօտ չորս ժամ տե­ւող ժո­ղով մը գու­մա­րեցին Մար­գար Եսա­յեանի հետ, որուն հե­ռախօ­սով մաս­նակցե­ցաւ նաեւ ԱՔՓ կու­սակցու­թեան Իս­թանպու­լի նա­հան­գա­պետ Սե­լիմ Թէ­մուրճի։

Ժո­ղովէն ետք կող­մե­րը հա­մոզուած են որ փլու­զումը կանգ կ՚առ­նէ, բայց խնդի­րը կը մնայ վերջնա­կան լու­ծումին։ Ճամ­բա­րի անու­նով ներ­կա­յացող­նե­րը կը պա­հան­ջեն որ պե­տու­թիւնը պե­տակա­նաց­նէ տա­րած­քը եւ վե­րադարձնէ Հայ Բո­ղոքա­կան Եկե­ղեց­ւոյ։ Այդ մա­սին կա­ռավա­րու­թիւնը ներ­կա­յաց­նողնե­րը կը փոր­ձեն զար­տուղի մի­ջոց­նե­րով լու­ծում մը գտնե­լ։ Անոնք կը խու­սա­փին ուղղա­կի կան­խա­միջոց­նե­րուն նմա­նաբ­նոյթ այլ օրի­նակ­նե­րու հա­մար ալ գե­տին պատ­րաստե­լէն։

Ամէն պա­րագա­յի ճամ­բա­րէ ներս հեր­թա­պահու­թիւնը կը շա­րու­նա­կուի մին­չեւ գո­հացու­ցիչ եւ հա­մոզիչ լու­ծումի մը յայ­տա­րարու­թիւնը։ Այս պա­հուն յատկապէս հայ հասարակութենէ կ՚ակնկալուի զօրակցութիւն բերել Նոր Զարթօնք շարժումի եւ անոր հետ դիմադրող խմբակցութիւններուն։