Կարօ Փայլան կ՚արդարացնէ երեսփոխանի կոչումը
Թուրքիոյ Խորհուրդարանի վերջին կարգադրութիւններու հետեւանքով որքան ալ իր նշանակութիւնը եւ առաքելութիւնը կորսնցուցած թուի ՀՏՓ կուսակցութեան պատգամաւոր Կարօ Փայլան աշխոյժ գործունէութիւն կը կատարէ Խորհրդարանի մէջ ընդմիշտ օրակարգի վրայ պահելով երկրի ամենաէական խնդիրները։ Նախորդ օրերուն Փայլան զանազան հարցումներ ուղղած էր իշխանութիւններուն, բացատրութիւն պահանջելով Սանասարեան Խանի կանխահաս կերպով աճուրդի դրուելուն դէմ։ Իսկ հիմա Փայլան կրկին անգամ օրակարգի կը բերէ «Աթլաս Կլոպալ» ընկերութեան սնանկացման երեւոյթը եւ կը հարցէ թէ ե՞րբ պիտի սկսին Իսթանպուլ-Երեւան թռիչքները։ Ինչպէս յայտնի է այդ թռիչքներու միջոցաւ առեւտրականներ կ՚այցելէին Պոլիս եւ կ՚ապահովէին աշխոյժ շուկայական յարաբերութիւններ երկու երկիրներու միջեւ։
«1993-էն ի վեր երկու երկիրներու միջեւ փակ են ցամաքային սահմանները եւ հաղորդակցութիւնը կ՚ապահովուի միայն «Աթլաս Կլոպալ» ընկերութեան թռիչքներով»։ Այժմ երբ ընկերա-տնտեսական ճգնաժամի հետեւանքով կանգ առած են թռիչքները, ուղղակի կապն ալ խզուած է հարեւան երկու երկիրներու միջեւ։
