Էֆրիմ Պաղի ուրախ օրը

Անկախացու­մէ ետք Հա­յաս­տա­նի մէջ նոր թափ ստա­ցած է եկե­ղեցա­շինու­թիւնը։ Այս ծի­րէն ներս մե­ծագոյն տա­ճարը կը հան­դի­սանայ Երե­ւանի Սուրբ Գրի­գոր Լու­սա­ւորիչ Եկե­ղեցին։ Ար­շա­ւը կը նե­րառէ Նո­րաս­տեղծ եկե­ղեցի­ներու կող­քին պատ­մա­կան նշա­նակու­թիւն ու­նե­ցող տա­ճար­նե­րու ալ վե­րանո­րոգու­մը։ Ծա­նօթ իրո­ղու­թիւն է, որ Խորհրդա­յին տա­րինե­րուն պե­տական գա­ղափա­րախօ­սու­թեան հե­տեւան­քով ան­տե­սուած էին եկե­ղեցի­ները, եւ նոյ­նիսկ ոմանք ան­հե­տացած։

Այս ան­գամ մենք ակա­նատես կ՚ըլ­լանք ծա­գու­մով սա­սունցի պոլ­սա­հայ բա­րերա­րի մը Էֆ­րիմ Պա­ղի իր հա­մաերկրա­ցինե­րուն բնա­կած Թա­լինի մէջ եկե­ղեցի մը ի հի­մանէ վե­րակեր­տե­լու կամ­քին։

Այդ կամ­քը թե­լադ­րած էր, որ Էֆ­րիմ Պաղ շի­նարա­րու­թեան ամէն հանգրուանին ան­ձամբ հսկէ կա­տարո­ւած աշ­խա­տու­թիւնը՝ մին­չեւ որ հաս­նի նո­րակերտ եկե­ղեց­ւոյ օծ­ման եւ պաշ­տա­մունքի բաց­ման պա­հը։

14 Սեպ­տեմբեր կի­րակի օր Թա­լինի Սուրբ Աս­տո­ւածա­ծին Եկե­ղեց­ւոյ օծու­մը կա­տարե­ցին Պոլ­սոյ Պատ­րիար­քա­կան Աթո­ռէն Արամ Արք. Աթէ­շեան եւ Արա­գածոտ­նի մար­զի հո­գեւոր առաջ­նորդ Մկրտիչ եպիս­կո­պոս Պռո­շեան։

Այդ օր ար­տա­կարգ ու­րա­խու­թիւն էր, քա­նի որ Թա­լինի սա­սունցի­ները ար­դար հպար­տութեամբ կը դի­տէին իրենց Սուրբ Աս­տո­ւածա­ծին Եկե­ղեցին երախ­տա­պար­տութիւն յայտնե­լով բա­րերար Էֆ­րիմ Պա­ղի։

Այդ ու­րա­խու­թիւնը իր ար­տա­ցոլու­մը կ՚ու­նե­նար դհոլ զուռնա­յի ըն­կե­րակ­ցութեամբ կազ­մո­ւած շուրջպարով։