Տեմիրթաշ դող հանեց
Թուրքիոյ քաղաքական կեանքի կարկարուն դէմքերէն Ժողովուրդներու Ժողովրդավարական կուսակցութեան նախկին համանախագահ Սելահատտին Տեմիրթաշի մասին երկուշաբթի օր հնչող լրատուութիւնը կայծակնային մտահոգութիւն պատճառեց բովանդակ երկրի մէջ։ Այդ օր յետ միջօրէին ընկերային ցանցերու վրայ շրջող լրատուութեան համաձայն Տեմիրթաշ սրտի ինֆարքթ ունեցած էր իր իսկ բանտարկուած Էտիրնէի բանտին մէջ։ Կարճատեւ ապատեղեկատուութենէ ետք պարզուեցաւ, որ լուրը կը վերաբերի նախորդ շաբաթուան եւ յայտարարութիւնը կատարած է Տեմիրթաշի քոյրը եւ իրաւապաշտպանը։
Բանտի պաշտօնէութիւնը խուսափած էր Տեմիրթաշը իսկոյն հիւանդանոց փոխադրելէ։ Բժշկական քննութիւնը կատարուեցաւ դէպքին լսուելէն ետք։ Վերջին տեղեկատուութիւններով Տեմիրթաշ վերագտած է իր առողջութիւնը եւ ներկայիս իր կեանքին վտանգ մը չի սպառնար։
