Պելճիքայի Ռոսելար քաղաքին մէջ հայկական Խաչքար բացուեցաւ
Պելճիքայի Ռոսելար քաղաքին մէջ Հայաստանի Հանրապետութեան անկախութեան 33-րդ տարեդարձի օրը տեղաբնակ Խաչատուրեան ընտանիքին նախաձեռնութեամբ, տեղի հայ համայնքին եւ քաղաքային իշխանութիւններուն աջակցութեամբ տեղի ունեցաւ հայ եւ պելճիքացի ժողովուրդներու բարեկամութիւնը խորհրդանշող խաչքարի բացման հանդիսաւոր արարողութիւնը։
Երկու երկիրներու բարեկամութեան ու համագործակցութեան նուիրուած խաչքարի բացման ներկայ եղած են քաղաքային իշխանութեան բազմաթիւ ներկայացուցիչներ, Պելճիքայի մէջ Հայաստանի փոխդեսպան Վարդան Սարգսեանը, համայնքային ներկայացուցիչներ։
Փոխդեսպան Վարդան Սարգսեան նշած է, որ խաչքարը հայ ժողովուրդին համար դարերով ունեցած է համախմբող դեր եւ հանդիսացած է ինքնութեան անբաժանելի մաս։
Սարգսեան նաեւ անդրադարձաւ Ռոսելարի հիւրընկալ հողին վրայ, գեղատեսիլ այս պուրակին մէջ հայկական խաչքարի տեղադրումը երկու ժողովուրդներու բարեկամութեան, ինչպէս նաեւ հայ ժողովուրդի արարչական ոգիի կարեւոր դրսեւորումի մասին։ Այս կը վկայէ նաեւ փոխադարձ համակրանքի եւ ընդհանուր արժէքներու վրայ հիմնուած երկու ժողովուրդներու կապերու առաւել ամրապնդման եւ խորացման պատրաստակամութեան։
Խաչքարը այն եզակի յուշակոթողն է, որ ինքնին կը ներկայացնէ հայ մարդու գեղարուեստական արտայայտութիւնը։ Վերջապէս ան յիշատակարան է, որ մերթ կը ցոլացնէ երախտիք կամ շնորհակալութեան խօսք, մերթ ալ յիշատակի անմահացում։
