Պոլսահայ հինգ վարժարաններու մասնակցութեամբ կայացաւ՝ Դպրեվանք ՀԱՅԱՄԱԿ-ը

Սուրբ Խաչ Դպրե­վան­քի եր­դի­քին ներ­քեւ տե­ղի ու­նե­ցաւ Միջ­վարժա­րանա­յին Դպրե­վանք Հայ­ՄՈՒՆ մի­ջոցա­ռու­մը։ Վար­ժա­րան­նե­րու կող­մէ անգլե­րէն լե­զուով կա­տարո­ւած MUN, այ­սինքն Միացեալ Ազ­գե­րու Կազ­մա­կեր­պութեան (UN) անու­նին առ­ջեւ կցուած է անգլե­րէն M տա­ռը, խորհրդան­շե­լով Modern բա­ռը։ Ու­րեմն (UN)-ը եթէ կը հա­յաց­նենք ՄԱԿ, Modern ալ պի­տի հա­յանայ «ար­դի» բա­ռով եւ մենք MUN-ը պի­տի վե­րածենք ԱՄԱԿ-ի։

Մի­ջոցա­ռու­մը երկրորդ ան­գամ է որ կի­րար­կո­ւեցաւ հա­յերէ­նով։ Վար­ժա­րան­նե­րէն մաս­նա­կից իւ­րա­քան­չիւր աշա­կերտ ներ­կա­յացուց եր­կիր մը, որ­պէս այդ երկրի պատ­գա­մաւո­րը եւ քննար­կեց որո­շուած նիւ­թե­րը ու ջա­նաց լու­ծում գտնել` «Թո­ւային Դա­րու Մէջ Տո­ւեալ­նե­րու Գաղտնա­պահու­թիւն», «Պա­տերազմ» եւ «Պե­տու­թիւննե­րու Քա­ղաքա­կանու­թիւն» նիւ­թե­րու շուրջ գո­յու­թիւն ու­նե­ցող հար­ցե­րու մա­սին:

Գոր­ծունէու­թեան աւար­տին աշա­կերտնե­րը մէկ­տե­ղուե­լով իրենց նիւ­թե­րուն վե­րաբե­րեալ լուծման տե­ղեկա­գիր­ներ պատ­րաստե­ցին:

Նիւ­թե­րու վե­րաբե­րեալ պատ­րաստուած տե­ղեկա­գիր­ներն են՝

«Պե­տու­թիւննե­րու
քա­ղաքա­կանու­թիւն»

Պէտք է զար­գա­ցած եր­կիրնե­րը օգ­նեն նո­ւազ զար­գա­ցած եր­կիրնե­րուն:

Կ’առա­ջար­կենք թէ եր­կիրնե­րը աջակ­ցին իրա­րու, ժո­ղովրդա­վարա­կան սկզբունքնե­րու ամ­րապնդման եւ մարդկա­յին իրա­ւունքնե­րու պաշտպա­նու­թեան հա­մար:

Իսկ քա­ղաքա­կանու­թեան կրթա­կան դրու­թեան վրայ ազ­դե­ցու­թեանը մա­սին կ’առա­ջար­կենք թէ կրօն­քը եւ ու­սումը իրար­մէ ան­ջա­տուին, որու շնոր­հիւ կա­րելի ըլ­լայ աւե­լի բարձր մա­կար­դա­կի կրթու­թիւն ջամ­բել:

«Թո­ւային դա­րու մէջ
տո­ւեալ­նե­րու գաղտնա­պահու­թիւն»

Ոչ մէկ ըն­կե­րու­թիւն, նոյ­նիսկ աշ­խարհի ամե­նամե­ծերը իրա­ւունք չու­նի խախ­տե­լու ան­հա­տի մը անձնա­կան տո­ւեալ­նե­րուն գաղտնա­պահու­թիւնը: Անձնա­կան տո­ւեալ­նե­րու պաշտպա­նու­թիւնը, վեր­ջին տա­րինե­րուն աւե­լի կա­րեւոր դար­ձած է: Անձնա­կան տո­ւեալ­նե­րը պէտք է պաշտպա­նուին խիստ օրէնքնե­րով: Այս հա­մաշ­խարհա­յին հարց մըն է եւ այս պաշ­տօ­նը կը վի­ճակի մեր բո­լորին:

Որ տա­րիքէն կամ մաս­նա­գիտու­թե­նէն ալ ըլ­լաս պէտք է ստանձնես այս պա­տաս­խա­նատո­ւու­թիւնը:

«Պա­տերազմ»

Նախ եւ առաջ բո­լորս գի­տենք, որ պա­տերազմնե­րը կ՚ազ­դեն բո­լոր եր­կիրնե­րուն բա­րօրու­թեան։

Պա­տերազմնե­րը ամէ­նէն շատ կ՚ազ­դեն աշ­խարհի ապա­գային վրայ եւ մենք գի­տենք, որ ապա­գան պի­տի ձե­ւաւո­րուի մեր երազ­նե­րով։ Մենք կ՚ու­զենք որ ամէն եր­կիր միանայ նման գա­ղափար­նե­րու շուրջ եւ հասկնայ զի­րար։ Որով­հե­տեւ եթէ իրար լսենք ար­դէն չենք վի­ճաբա­նիր։

Խա­ղաղու­թիւնը հնա­րաւոր է, երբ բո­լորս հա­մագոր­ծակցինք։

Դպրե­վան­քի Ըն­տա­նիքը կը յայտնէ իր շնոր­հա­կալու­թիւննե­րը այս ձեռ­նարկին մաս­նակցող բո­լոր ու­սուցիչ­նե­րուն եւ աշա­կերտներուն: