Պայթյուն Անկարայում. կա 27 զոհ
Հայտնի է դարձել, որ պայթյունը մեծ ուժգնություն է ունեցել և լսելի է եղել մեծ հեռավորության վրա:
Մեծ թվով հրշեջ և շտապօգնության մեքենաներ են ժամանել դեպքի վայր: Հնարավոր երկրորդ պայթյունի պատճառով տարածքը տարհանվել է:
Անկարայի նահանգապետարանը ժամը 20:00-ին հայտարարություն է արել, ըստ որի՝ պայթյունի հետևանքով զոհերի թիվը 27 է:
Տեղեկացվում է, որ Քըզըլայի Գյուվենփարքում տեղի ունեցած պայթյունի հետևանքով 75 հոգի է վիրավորվել, իսկ պայթյունի պատճառը պայթուցիկով լի մեքենան է եղել:
Շրջակայքում գտնվող շենքերն էլ են վնասվել, պայթյունի հետևանքով վիրավորվածները տեղափոխվել են մոտակայքի 10 հիվանդանոցներ:
Ռադիո և հեռուստատեսության խորհուրդն արգելել է դեպքի վայրից տեսագրություններ հրապարակելը, պայթյունի պահը, դրան հաջորդած ընթացքի, մահացածների մասին տեսագրություններ հրապարակելը նույնպես արգելվել է:
Անկարայում մինչ այս ևս երկու պայթյուն էր տեղի ունեցել. 2015թ. հոկտեմբերի 10-ին կայացած ‹‹խաղաղության հավաքի›› ընթացքում և 2016թ. փետրվարի 17-ին:
Անվտանգության գագաթնաժողով
Թուրքիայի վարչապետ Ահմեդ Դավութօղլուն համապատասխան նախարարների և անվտանգության ուժերի մասնակցությամբ ժողով է իրականացնում, որի ընթացքում քննարկվում է այսօր տեղի ունեցած պայթյունը:
