Պատրիարք Հօր Հայաստանեան այցելութիւնները

Ն.Ա.Տ. Սա­հակ Բ. Պատ­րիարք Հայ­րը, 2 Նո­յեմ­բեր 2024, Շա­բաթ, Մայր Աթոռ Սուրբ Էջ­միած­նի Մայր Տա­ճարին մէջ նա­խագա­հեց եպիս­կո­պոսու­թեան վեց ըն­ծա­յեալ­նե­րու երդմնա­գիրե­րու ստո­րագ­րութեան եւ յանձնու­մի արա­րողու­թեան։

Նո­րին Ամե­նապա­տուու­թիւնը առա­ւօտուն Մայր Տա­ճարի մէջ, Իջ­ման Սուրբ Սե­ղանի առ­ջեւ նա­խագա­հեց Ար­ժանթի­նի եւ Շի­լիի թե­մի առաջ­նորդ՝ Առէն Վրդ. Շա­հինեանի, Ֆրան­սա­յի թե­մի առաջ­նորդ՝ Գրի­գոր Վրդ. Խա­չատ­րեանի, Ար­թի­կի թե­մի առաջ­նորդ՝ Նա­րեկ Վրդ. Աւա­գեանի, Սիւ­նեաց թե­մի առաջ­նորդ՝ Մա­կար Վրդ. Յա­կոբեանի, Գե­ղար­քունեաց թե­մի առաջ­նորդ Պար­թեւ Վրդ. Բար­սե­ղեանի եւ Յու­նաստա­նի թե­մի առաջ­նորդ՝ Խո­րէն Վրդ. Առա­քելեանի երդմնա­գիրե­րու ստո­րագ­րութեան արա­րողու­թեան եւ որ­պէս նա­խագահ ստո­րագ­րեց նոյն երդմնա­գիր­նե­րը եւ յղեց Ն.Ս.Օ.Տ.Տ. Գա­րեգին Բ. Ամե­նայն Հա­յոց Կա­թողի­կոսին։

Նոյն օր. Ամեն. Ս. Պատ­րիարք Հայ­րը այ­ցե­լու­թիւններ տո­ւաւ Օշա­կան եւ իր ուխտի աղօթ­քը կա­տարեց Հայ գի­րերու գիւ­տա­րար՝ Ս. Մես­րոպ Մաշ­տո­ցի շի­րիմին առ­ջեւ:

Նո­րին Ամե­նապա­տուու­թիւնը ապա մեկ­նե­ցաւ Ղա­զարա­ւան, ուր այ­ցե­լեց միանձնու­հի­ներու վան­քը, ուր դի­մաւո­րուե­ցաւ Արա­գածոտ­նի թե­մի առաջ­նորդ Գերշ. Տ. Մկրտիչ Եպս. Պրօ­շեանի եւ Մայր Եղի­սաբէ­թի գլխա­ւորու­թեամբ միանձնու­հի­ներու կող­մէ:

Պատ­րիարք Հայ­րը Գերշ. Տ. Դա­նիէլ Եպս. Ֆըն­տը­քեանի եւ Հոգշ. Տ. Զա­քէոս Ծ. Վրդ.ի մեկ­նե­ցաւ Գու­գա­րաց թեմ՝ Վա­նաձոր:

Ան ճամ­բու վրայ այ­ցե­լեց Եզի­տինե­րու արե­ւապաշ­տա­կան տա­ճարը: Ապա Վա­նաձո­րի մէջ այ­ցե­լու­թիւն տո­ւաւ տեղ­ւոյն առաջ­նորդ Գերշ. Տ. Յով­նան Եպս. Յա­կոբեանին:

Այստեղ Նո­րին Ամե­նապա­տուու­թիւնը այ­ցե­լեց թե­մի նախ­կին առաջ­նորդ եր­ջանկա­յիշա­տակ Սե­պուհ Ար­քեպս. Չուլճեանի շի­րիմին, ուր հանգստեան աղօթք կա­տարեց:

Գերշ. Տ. Յով­նան Եպս. մեր Հո­գեւոր Պե­տը առաջ­նորդեց Ծի­ծեռ­նակ ճամ­բար, ուր տե­ղեկու­թիւններ տո­ւաւ այստեղ կա­տարուած աշ­խա­տան­քի մա­սին:

Ապա Նո­րին Ամե­նապա­տուու­թիւնը առաջ­նորդո­ւեցաւ Հաղ­բա­տի վան­քը, ուր կա­տարեց իր ուխտի աղօթ­քը:

Օրո­ւան վեր­ջին այ­ցե­լու­թիւնը եղաւ Սե­ւանի ճե­մարա­նը: Այստեղ մեր Հո­գեւոր Պե­տը դի­մաւո­րուե­ցաւ Գէոր­գեան Հո­գեւոր Ճե­մարա­նի Տե­սուչ Հոգշ. Տ. Շա­հէ Ծ. Վրդ. Անա­նեանի կող­մէ:

Նո­րին Ամե­նապա­տուու­թիւնը Ճե­մարա­նի դահ­լի­ճին մէջ հան­դի­պում ու­նե­ցաւ ժա­ռան­գա­ւոր սա­ներուն հետ, որոնք ի պա­տիւ Ամե­նապա­տիւ Հիւ­րին հա­մերգ մը սար­քե­ցին: