Արհ. Տ. Ռաֆայէլ Արք. Մինասեան Կ՚ընտրուի Տանն Կիլիկիոյ Կաթողիկէ Հայոց ԻԱ. Պատրիարք

2021 Սեպ­տեմբեր 23-ին Արհ. Ռա­ֆայէլ Արք. Մի­նասեան դար­ձաւ Տանն Կի­լիկիոյ Կա­թողի­կէ Հա­յոց ԻԱ. կա­թողի­կոս Պատ­րիարք ստա­նալով Գե­րեր­ջա­նիկ Ռա­ֆայէլ Պետ­րոս ԻԱ. Մի­նասեան անու­նը։

«Ֆրան­չիսկոս Սրբա­զան Քա­հանա­յապե­տին կող­մէ 22 եւ 23 Սեպ­տեմբե­րին Հռո­մի մէջ գու­մա­րուած Տանն Կի­լիկիոյ Պատ­րիար­քա­կան Հայ Կա­թողի­կէ Եկե­ղեց­ւոյ եպիս­կո­պոս­նե­րու Սիւնհո­դոսը, ընտրեց Տանն Կի­լիկիոյ Կա­թողի­կէ Հա­յոց Պատ­րիար­քը յան­ձինս Արհ. Տ. Ռա­ֆայէլ Ար­քե­պիս­կո­պոս Մի­նասեանին, տիտ­ղո­սաւոր Կա­պադով­կիան Կե­սարիոյ Հա­յոց եւ Առաջ­նորդ Հա­յաս­տա­նի, Վրաս­տա­նի, Ռու­սաստա­նի եւ Արե­ւելեան Եւ­րո­պայի Կա­թողի­կէ Հա­յոց։ Նո­րընտրեալ Պատ­րիար­քը ստա­ցաւ Գե­րեր­ջա­նիկ Ռա­ֆայէլ Պետ­րոս ԻԱ. Մի­նասեան անու­նը»։ Լու­րը կը յայ­տա­րարէ Սուրբ Աթո­ռի Մամ­լոյ գրա­սենեակը։

Կեն­սագրա­կան

Արհ. Տ. Ռա­ֆայէլ Ար­քե­պիս­կո­պոս Մի­նասեան ծնած է 1946թ. Հոկ­տեմբե­րի 24-ին։

1958թ. կ՚ըն­դունո­ւի Զմմա­ռի Պատ­րիար­քա­կան Միաբա­նու­թիւն ըն­ծա­յարան, ուր կը ստա­նայ դպրո­ցական բարձրա­գոյն կրթու­թիւն։

1966թ. կ՚ու­ղարկո­ւի Հռո­մի քա­հանա­յապե­տական Լե­ւոնեան հայ վար­ժա­րան եւ կ՚աշա­կերտ է քա­հանա­յապե­տական Գրի­գորեան հա­մալ­սա­րանին մէջ, ուրկէ կը ստա­նայ փի­լիսո­փայու­թեան եւ աս­տուածա­բանու­թեան վկա­յական­նե­րը։ Ու­սումը կը շա­րու­նա­կէ Հռո­մի Սա­լեզեան հա­մալ­սա­րանին մէջ՝ մաս­նա­գիտա­նալով գործնա­կան հո­գեբա­նու­թեան մէջ։

1973թ. Յու­նիս 24-ին Լի­բանա­նի մայ­րա­քաղաք Պէյ­րութի մէջ կը ձեռ­նադրո­ւի կու­սակրօն քա­հանայ։

Մին­չեւ 1980 թո­ւական կը ստանձնէ Պէյ­րութի Սուրբ Գրի­գոր Լու­սա­ւորիչ-Սուրբ Եղիա Աթո­ռանիստ Եկե­ղեց­ւոյ հո­վուու­թիւնը։ 1978թ. Նշա­նակո­ւած է Լի­բանա­նի Հայ Կա­թողի­կէ եկե­ղեցա­կան ատեանի քար­տուղար, ապա՝ եկե­ղեցա­կան դա­տաւոր՝ մին­չեւ 1989 թո­ւակա­նը։

1980 – 1984թթ. ծի­սագի­տու­թիւն կը դա­սաւան­դէ Պէյ­րութի Քաս­լիք Սուրբ Հո­գի հա­մալ­սա­րանին մէջ։

1983 – 1986թթ. կ՚ըլ­լայ Զալ­քա­յի (Լի­բանան) Սուրբ Խաչ եկե­ղեց­ւոյ ժո­ղովրդա­պետ։ Անոր շնոր­հիւ է ար­դա­րեւ որ կա­ռու­ցո­ւած է Զալ­քա­յի Սուրբ Խաչ եկե­ղեցին։

1986 – 1988թթ. կ՚ըլ­լայ պատ­րիար­քա­կան քար­տուղար։

1988 – 1990 թթ. դար­ձեալ կ՚անո­ւանո­ւի Զալ­քա­յի Սուրբ Խաչ եկե­ղեց­ւոյ ժո­ղովրդա­պետ՝ միաժա­մանակ վա­րելով նո­րակա­ռոյց պատ­րիար­քա­կան վար­ժա­րանի տնօ­րէնի պաշ­տօ­նը։

1990 – 2006թթ. կ՚անո­ւանո­ւի ԱՄՆ- ի Քա­լիֆոր­նիա նա­հան­գի ժո­ղովրդա­պետ։

Կ՚ըլ­լայ «Armenian Alliance» բա­րեգոր­ծա­կան հիմ­նադրա­մի գլխա­ւոր հիմ­նա­դիր ան­դամնե­րէն մէ­կը, որուն հո­վանա­ւորու­թեամբ Հա­յաս­տա­նի մէջ կ՚իրա­կանա­ցուին բազ­մա­թիւ մար­դա­սիրա­կան եւ բա­րեգոր­ծա­կան ծրա­գիր­ներ։ Հայր Ռա­ֆայէլ Մի­նասեան Կլէն­տե­լի մէջ կը ձեռ­նարկէ Սուրբ Գրի­գոր Լու­սա­ւորիչ Հայ Կա­թողի­կէ եկե­ղեց­ւոյ կա­ռուցման, որուն օծու­մը տե­ղի կ՚ու­նե­նայ 2001թ.՝ ի յի­շատակ Հա­յաս­տա­նի մէջ Քրիս­տո­նէու­թեան ըն­դունման 1700 ամեակին։

2005թ. Սեպ­տեմբե­րին Ամե­նապա­տիւ Ներ­սէս Պետ­րոս ԺԹ Կա­թողի­կոս Պատ­րիար­քը Ռա­ֆայէլ վրդ. Մի­նասեանը կ՚անո­ւանէ պատ­րիար­քա­կան Փո­խանորդ Երու­սա­ղէմի եւ Ամ­մա­նի Փո­խանոր­դութեան։

2005թ. Իտա­լիոյ մէջ կը հիմ­նէ «Telepace Armenia» հե­ռուստա­կայա­նը։

2009թ. Երու­սա­ղէմի Հայ Կա­թողի­կէ հա­մալի­րին մէջ գտնո­ւող Քրիս­տո­սի Խա­չի ճա­նապար­հի 4-րդ կա­յանին մէջ, Հայր Ռա­ֆայէ­լը հաս­տա­տած է Սուրբ Հա­ղոր­դութեան մնա­յուն երկրպա­գու­թիւնը, որուն շա­րու­նա­կակա­նու­թիւնը ապա­հովո­ւած են Սուրբ Պօ­ղոսի Միաբա­նու­թեան քոյ­րե­րը։

2011թ. Յու­նիս 24-ին Պե­նետիկ­տոս ԺԶ. Սրբա­զան քա­հանա­յապե­տի յա­տուկ պա­պական կոն­դա­կով Հ. Ռա­ֆայէլ Մի­նասեանը կ՚ար­ժա­նանայ եպիս­կո­պոսա­կան կար­գի, որ­պէս նո­րան­շա­նակ Տիտ­ղո­սաւոր Ար­քե­պիս­կո­պոս Կա­պադով­կիան Կե­սարիոյ Հա­յոց եւ Առաջ­նորդ Հա­յաս­տա­նի, Վրաս­տա­նի, Ռու­սաստա­նի եւ Արե­ւելեան Եւ­րո­պայի Կա­թողի­կէ Հա­յոց։

Եպիս­կո­պոսա­կան ձեռ­նադրու­թիւնը տե­ղի կ՚ու­նե­նայ 2011թ. Յու­լիս 16-ին Պէյ­րութի Սուրբ Գրի­գոր Լու­սա­ւորիչ – Սուրբ Եղիա Աթո­ռանիստ եկե­ղեց­ւոյ մէջ ձե­ռամբ Ամե­նապա­տիւ Ներ­սէս Պետ­րոս ԺԹ. Կա­թողի­կոս Պատ­րիար­քին, ներ­կա­յու­թեամբ Վա­տիկա­նի Արե­ւելեան Եկե­ղեցի­ներու Ժո­ղովի կա­ռավա­րիչ Վսե­մաշուք Կար­դի­նալ Լէոնար­տօ Սանտրիին։

2011թ. Օգոս­տոս 7-ին Շի­րակի մար­զի Արե­ւիկ գիւ­ղի Ս. Գրի­գոր Լու­սա­ւորիչ եկե­ղեց­ւոյ մէջ տե­ղի կ՚ու­նե­նայ Հայր Ռա­ֆայէլ Ար­քեպսգ Մի­նասեանի Գա­հակա­լու­թեան արա­րողու­թիւնը։

2021-ի Սեպ­տեմբե­րի 23ին Արհ. Ռա­ֆայէլ Արք. Մի­նասեան կը դառ­նայ Տանն Կի­լիկիոյ Կա­թողի­կէ Հա­յոց ԻԱ. կա­թողի­կոս Պատ­րիարք, ստա­նալով Գե­րեր­ջա­նիկ Ռա­ֆայէլ Պետ­րոս ԻԱ. Մի­նասեան անու­նը։

Քա­հանա­յապե­տը նո­րըն­տիր Պատ­րիարք Ռա­ֆայէլ Պետ­րոս ԻԱ.-ին շնոր­հեց եկե­ղեցա­կան հա­ղոր­դութիւն

Ուրբաթ 24 Սեպ­տեմբեր 2021ի առա­ւօտեան Ֆրան­չիսկոս Սրբա­զան Քա­հանա­յապե­տը ունկնդրու­թիւն շնոր­հեց Տանն Կի­լիկիոյ Կա­թողի­կէ հա­յոց նո­րըն­տիր Կա­թողի­կոս Պատ­րիարք՝ Ռա­ֆայէլ Պետ­րոս ԻԱ-ին ու անոր ըն­կե­րացող Հայ Կա­թողի­կէ եկե­ղեց­ւոյ սիւնհո­դոսա­կան հայ­րե­րուն։