1990-ականներէն այսօր՝ հայկական կողմը ունի շուրջ 1000 անհետ կորսուածներ

29Օգոստո­սին, Վա­նաձոր քա­ղաքին մէջ տե­ղի ու­նե­ցած Ան­հետ կոր­սո­ւած­նե­րու մի­ջազ­գա­յին օրո­ւան նո­ւիրո­ւած լու­սանկար­նե­րու ցու­ցա­հան­դէ­սի բաց­ման ըն­թացքին, Հա­յաս­տա­նի մէջ Կար­միր խա­չի Մի­ջազ­գա­յին կո­միտէի պա­տուի­րակու­թեան հա­ղոր­դակցու­թեան ծրա­գիր­նե­րու ղե­կավար Զա­ռա Ամա­տու­նի լրագ­րողնե­րու հետ ու­նե­ցած զրոյ­ցին ըն­թացքին յայտնեց, որ ըստ կո­միտէին հա­մապա­տաս­խան ըն­տա­նիք­նե­րուն կող­մէ փո­խան­ցո­ւած տե­ղեկա­տուու­թեան՝ Ար­ցա­խի հա­կամար­տութեան մեկ­նարկէն ցայ­սօր հայ­կա­կան կող­մէ ան­հետ կոր­սո­ւած կը նկա­տուին շուրջ 1000 ան­ձեր, որոնցմէ շուրջ 700-ը՝ 90-ական­նե­րէն, իսկ մօ­տաւո­րապէս 300-ը՝ 2020-ի եւ 2023-ի ռազ­մա­կան գոր­ծո­ղու­թիւննե­րէն ետք։

Ան վե­րահաս­տա­տեց, որ կազ­մա­կեր­պութեան ներ­կա­յացու­ցիչնե­րը կ՛այ­ցե­լեն բո­լոր այն ան­ձե­րուն, որոնց գե­րի պա­հուած ըլ­լա­լը հաս­տա­տած են Ատրպէյ­ճա­նի իշ­խա­նու­թիւննե­րը։

«Ըն­տա­նիք­նե­րը առա­ջին ան­գամ կ՚իմա­նան այ­ցե­լու­թիւննե­րու մա­սին։ ԿԽՄԿ ներ­կա­յացու­ցիչնե­րը կ՚այ­ցե­լեն գե­րինե­րուն՝ ան­կախ կար­գա­վիճա­կէն։ Կ՚այ­ցե­լենք բո­լոր ան­ձանց, որոնց գե­րու­թեան մէջ գտնո­ւիլը հաս­տա­տած են իշ­խա­նու­թիւննե­րը։ Սա­կայն մեր կազ­մա­կեր­պութիւ­նը չի տե­ղեկաց­ներ այ­ցե­լուող ան­ձանց թո­ւի մա­սին», յայտնեց Ամա­տու­նի։