սահմանադրական փոփոխություններ պիտակաւորուած լուրեր

Թուրքիայի մեջլիսում հունվարի 9-ին քննարկվեցին սահմանադրական փոփոխությունները։ Նոր սահմանադրության նախագիծը, որով Թուրքիայի նախագահը նոր արտոնություններ է ստանում, բողոքի ալիք է առաջացրել։ Քննարկումների ընթացքում նոր սահմանադրական նախագծի շուրջ իրենց բողոքն արտահայտելու նպատակով Թուրքիայի մեջլիսի առջև հավաքված ցուցարարները ոստիկանական հարձակման են ենթարկվել։ «Ժողովրդա-հանրապետական» կուսակցության որոշ պատգամավորներ վնասվածքներ են ստացել։

Թուրքիայի վարչապետ Բինալի Յըլդըրըմը խոսել է «Արդարություն և զարգացում» կուսակցության հանդիպման ժամանակ։ Վարչապետը նշել է, որ Թուրքիայի Ազգային մեծ ժողովն այս շաբաթ քննարկելու է արտակարգ իրավիճակի երկարացման հարցը։ Հուլիսի 15-ի ռազմական հեղաշրջման փորձից հետո հայտարարված արտակարագ իրավիճակն ավելի վաղ երեք ամսով երկարացվել էր։