հայ համայնք պիտակաւորուած լուրեր

«Հրանտ Դինք» հիմնադրամի և Համազգային հայ կրթական և մշակութային միության համատեղ ջանքերով Ստամբուլում կազմակերպված «Հայկական ինքնության քննական մոտեցումները 21-րդ դարում. խոցելիություն, առաձգականություն, փոխակերպություն» խորագրով միջազգային գիտաժողովի ընթացքում Օքսֆորդի համալսարանի շրջանավարտ, երիտասարդ հայ ուսումնասիրող Հրակ Փափազյանը ներկայացրեց իր «Հայերն ու այլ հայերը Թուրքիայում» վերնագրով աշխատությունը, որը դոկտորական աշխատության նախնական ուսումնասիրության տվյալների վրա է հիմնված։ Դոկտորական աշխատության համար Հ.Փափազյանը երկար ժամանակ անցկացրել է Թուրքիայում` շփվելով տեղի հայերի տարբեր խմբերի հետ:

Պոլսո հայոց պատրիարքական փոխանորդ Արամ Աթեշյանի կողմից Թուրքիայի նախագահ Ռեջեփ Թայիփ Էրդողանին ուղղված նամակը Ստամբուլի հայ համայնքի ներկայացուցիչների շրջանում մեծ բողոք է առաջացրել։ Հայ համայնքի ներկայացուցիչները նյութի առնչությամբ իրենց կարծիքներն են փոխանցել «Ակօս»-ին։

Պատրիարք Մեսրոպ Մութաֆյանի համար խնամակալ նշանակելու համար դիմում է ներկայացվել Ստամբուլի առաջին ատյանի դատարան։

ԹԱՄԺ Թուրքիայի ազգային մեծ ժողովի (ԹԱՄԺ-TBMM) նոր կազմում ազգությամբ հայ երեք պատգամավոր կա։ «Ակոս»-ի 1998թ․ նոյեմբերի 6-ի համարում քննարկվել էր խորհրդարանում հայ պատգամավորի կարևորությունը, և սա գլխավոր լուր էր դարձել։