Miran Manukyan

Թուրքիայի հայոց պատրիարքական ընտրությունների առաջին քայլը՝ պատրիարքական տեղապահի ընտրությունները կայացել են այսօր։ Տեղապահ է ընտրվել Գերաշնորհ Տ․ Գարեգին Արքեպիսկոպոս Բեքչյանը։ Սակայն Ստամբուլի նահանգապետարանը միջամտել է Թուրքիայի հայոց պատրիարքական ընտրությունների գործընթացին՝ տեղապահի ընտրությունները համարելով «իրավականորեն» անընդունելի։ Նահանգապետարանի միջամտության առնչությամբ հայտարարությամբ է հանդես եկել ընտրված տեղապահ Բեքչյանը։

Ստամբուլի Ուսկուդարում (Սկյուտար) գտնվող Սուրբ Խաչ Դպրևանք դպրոցի պատին ռասիստական բնույթի գրություններ են գրվել․ «տանջանք հային», «Քուրշաթի ատելությունն եմ բերել ձեզ», ևն։ Սա առաջին անգամը չէ, որ հայկական դպրոցի պատերին ռասիստական գրություններ են հայտնվում։ Նմանատիպ գրություն 2016թ․ հունվարի 19-ին հայտնվել էր նաև Գալֆայան դպրոցի պատերին։

Պոլսո հայոց պատրիարքական փոխանորդ Արամ Աթեշյանի կողմից Թուրքիայի նախագահ Ռեջեփ Թայիփ Էրդողանին ուղղված նամակը Ստամբուլի հայ համայնքի ներկայացուցիչների շրջանում մեծ բողոք է առաջացրել։ Հայ համայնքի ներկայացուցիչները նյութի առնչությամբ իրենց կարծիքներն են փոխանցել «Ակօս»-ին։